hi5

الخميس، أغسطس 11، 2011

الله يرحمك يا صاحبى

حتوحشنى يا عبد العزيز اوى 
عبد العزيز عمار استاذى وصديقى واخويا 
الله يرحمك يا صاحبى - ما بين سطور الورق وذكريات الطرق - اخر كلماتك كنت حاسس


الخميس، أبريل 21، 2011

دنيا



دنيا فيها الناس غريبة
كل واحد يالا نفسى
شفت فيها حاجات عجيبة
كل يوم بـ تسد نفسى
شفت ناس قالتلى كلمة
اتفاجئت بعكسها
شفت ناس ادتها سكر
دوقتنى مرها
دنيا فيها الناس تموت
كل واحد زى حوت
يوم م تقرب منه حبة
يبلعك من قبلها
مهما كان فينا وفينا
يجرى إيه لو مـ اشتكينا
ليه الكلام علامة فينا
فين الكلمة وفعلها
كل واحد فيه عيوب
بش شاف العيب فى غيره
مين كان خالى من الذنوب
لو كله يرضى بقليله
دنيا فيها الناس غريبة
كل واحد يالا نفسى
ليه بنشوف حاجات عجيبة
واخاف اقول أنا ايه فى نفسى

قلبى عندك



كل حاجة فـ يومى عادى
كل يوم زى اللى قبله
 إلا حبك يا حبيبتى
 يوم فـ تانى قصادى يكبر
  ويزيد أكتر م اللى قبله
  أوعى بس تكون فاكره
إن قلبى لسة فيا
يوم م شفتك سبته عندك
غصب عنى ومش بايدى
قلت لنفسى حتبقى ليا

الأحد، سبتمبر 12، 2010

فكر ترجع




عايز ترجع

ارجع قبل ما الايام تمر
مش عايز عادى انت حر
بينى وبينك انت محبتنيش
بتقول حبتنى دة ميكفيش


ما انا يماااا قلت كلام
كان سابقه اكتر من فعل
بالرغم من دة كله
الحب عندك طلب وسعر

ومفيش مصلحة ليك ويايا
ومش حتعوض تانى هوايا
مخدوعه انا فيك والله
كان فيك يجى مليون حاجة تغر

الاثنين، ديسمبر 14، 2009

بطلت اطلب واتمنى










بطلت اطلب بطلت اتمنى 
طول ما احلامى معايا 
انا مش حستنى 
انا قادرة اكون وحكون 
وان كان على الجرحنى بجنون 
مسيره يرجع ولرضايا يتمنى


الأربعاء، ديسمبر 02، 2009

كان نفسى




يا حبيبتى أنا ليكى 
اطلبى ايه يرضيكى 
انا هنا معاكى 
انا بين ايديكى 
انسى كل الدنيا ديا 
متفكريش ولو لثانية 
انى احب واحدة تانية 
يا حبيبتى انا منك 
مستحيل أبعد عنك 
انتى الدواء لجراحى
انتى كل الحياة
انتى اللى قلبك براحى
انتى اللى بتنسينى الاه
انتى اللى كان واللى جاى 
من غير ما تسألى ليه وازاى
انتى المنى انتى الدوا
انتى الفرحة وانتى الهنا
انتى سكتنى الروح
انتى اللى كل شى ليك مسموح
وانتى اللى حفضل معاكى 
وانتى اللى الروح ليكى بتروح
يا نسمتى 
يا كلمتى 
يا بسمتى 
يا كل الدنيا
يا حبيبتى انتى عندى بالدنيا 
دة كلام كان نفسى فيه
من حبيب حبيته انخدعت فيه 
ويارته كان بالكلام 
ولا كان بحلم من الاحلام 
ياما كتير اتكلموا 
واللى سمعوا الكلام لسة والله بيتألموا

العمر كبر فيا




هو أنا كبرت فى العمر 
ولا العمر اللى كبر فيا
هو انا اللى الايام على بتمر
وانا اللى مش حاسة بمرور الايام عليا
أنا مكبرتش ولا حاجة
دة انا حتى لسة لمليون حاجة محتاجة
هو مش اللى بيكبر بيبقى خلاص
بطل يطلب بطل الاحساس
مكبرتش حتى مشاعرى هى نفسها
واحدة عمرها ما حبت نفسها
واحدة عاشت تضحى طول عمرها
احلامى لسة هى هى

ضحكتى باينة اهى مش مستخبية
وحزنى لو دمعت دمعه واحدة
صدقونى بتبان على طول عليا 
لا عمرى خبيت 
ولا عمرى دورت ولاقيت
طول عمرى راضيه
فى حالى كدة وهادية
بس الدوشة حوليا 
ومفيش حاجة بعد العمر دة كله 
حسيت انها بجد بقت ليا 
مملكش غير احساسى ومشاعرى
ممكلش غير ذكرياتى واوراقى وشعرى
مملكش ومش عايزة املك 
مين فينا يعنى بيملك 
يختار اللى يملكه 
بس مخترتش املك العمر 
الايام مهما بتمر
عمرى ما حسيت انى عشتها
العمر كبر فيا 
ولا انا اللى كبرت فى العمر
انا لسة هى هى 
والسنين ايام بتمر







مرايتى


 

مرايتى لما ببص فيها
بشوف جمالى الجوانى
وبنسى انى جميلة
مرايتى لما ببص فيها 
بشوف الحاجة اللى وجعانى 
بس مفيش فى ايدى حيلة 
مرايتى بتورينى حقيقتى
بتقولى اخيرا عرفتى 
ان جواكى حاجات كتير
وانك مش محتاجة لتغيير
انتى محتاجة تلاقى اللى ضاع
محتاجة تنسى اللى باع
أرد عليها واقول صدقتى
انا فعلا بحس بنفسى 
لما بعيش مع نفسى
الناس طالبين التزييف
احساسى بيهم أصبح مخيف
مفيش حد فاهمنى 
مفيش حد عارفنى
والكل بيحاول يكون ظريف
الكل بيحاول يكون خفيف
الكل بيحاول يجمل الصورة
اللى مليانه زخاريف
مش بزخرف فى احساسى
بقول اللى جوايا 
مش بذوق مشاعرى 
شعورى مش محتاج مرايا 
انا بس ببصلها 
علشان اسالها ايه الحكاية
ودايما ترد عليا 
وتقولى صدقينى بعد كل نهاية بداية

مفيش عنوان ومش مهم --- كتير ليهم عناوين وعايشين فى الحياة غرباء عنها




لعب بيا الحياة 
لعبت هى والاه 
والاه دى صاحبتى
والجرح صاحب محنتى 
وانا لسة بقول الله 
ليا مين غيرك يا ربى
طول ما انا ماشية فى دربى
راضية بنصيبى
سكك مكسرة
وكلام زى الطوب
راضية بالمكتوب

والبشر كتير 
والجرح كبير
وببعد عن الذنوب

ونفسى تكمل فى مرة فرحتى
كل اللى ابتديه
بيخلص من غير معاد
وكل اللى بلاقيه
واخد وعد بالبعاد
ينكسر القلب 
يبكى الفؤاد
عيونى تبكى 
كأنى فى حداد 
وانا ممتليش ميت 
ولا فى على قلبى سيد
ولا ليا فى الحب سلطان 
اللى حبيته فى يوم خان 
وقلبى عليه هان 
والبعد بقى عنوان 
وحبتدى ادور على مكان 
ادور ولا مدورش
الاقى ولا ملقيش
الدنيا كلها متسويش
انى اتعب نفسى 
وأبكى على واحد 
على حقيقته خلاص بان 




الأحد، نوفمبر 08، 2009

انت هناك حاسة بيك استنانى راجعة ليك




على اد يا بحر ما ناس كتير بتخاف منك 
على اد ما بحب كتير احدف نفسى فيك
وانا يا بحر عارفة سرك
عشقت سهر لياليك
هناك كانت اول ذكرى حب مولودة
وهناك كانت اخر لحظة فى الحب مفقودة
فاكرة كل حاجة بالتفاصيل
بس مش فاكرة كنا نهار ولا كنا ليل
رجعنى طيب يا زمن
رجعنى وانا اقول من غير دليل

الاثنين، أكتوبر 26، 2009

يا بخت اللى حبك




بحسد اللى حبك 
يا بخت اللى حبك
مين يشوفك حبيبى
ويقدر فى يوم ما يحبك
انا من زمان شفتك
من زمان اوى عرفتك
من زمان كنت اتمنى احبك
من اول يوم حبيتك
من وقتها ولا عمرى نسيتك
من يومها كنت اتمنى اكون معاك
ام عيالك حبيبتك فى بيتك
يا بخت اللى حبك يا عمرى
بس اعمل ايه فى قدرى
مكتوب احبك متحبنيش
احس بيك متحسنيش
وابقى قدامك ومتشفنيش
ومرت السنين سنة ورا سنة
يا نفسى كفاية متلومنيش

العيب انى داريت
خفت وجريت
وبحب من طرف واحد رضيت
ودلوقتى مش فاضلى
غير حسرتى من زمان انتهيت
يا بخت اللى حبك حبيبى
يمكن كان الحال غير الحال
لو ما كنت فى يوم خبيت

الخميس، سبتمبر 17، 2009

بتكلم معاه

قابلت كل الناس طول السنين اللى فاتت 
وعديت بلاد وبلاد 
شفت وشوش كتير عليا فاتت 
ولبست الابيض وفرحت 
ولبست الاسود
وعملت حداد 
اتحبيت وحبيت 
وافتكرت ونسيت 
وسافرت وجيت 
وانا لسه عايشة 
بدور عليك 
خلتنى كتبت فى كل حاجة 
خلتنى دورت فى كل حاجة 
وعشت دايما محتاجة 
لنظرة من عنيك
سامحت نفسى على علمتها فيا 
وسامحتك على اللى عملته انت فيا 
وكل يوم بتمنى لمسة ايديك 
بكيت بدل الدموع دم 
وشلت فوق دهرى طول السنين 
جبال جبال من الهم 
وشوية اضحك 
وشوية الاقى نفسى فجأة 
حياتى صبحت غم 
مجرد ما تجى قدام عنيا 
وافتكر لحظة وداعنا 
يوم ما خدنا القرار 
وانت بتبكى بانهيار
وتترجانى استنى معاك
وانا بمنتهى القسوة 
سكت وعملت مش سمعاك
بس انت عارف وانا كمان 
انى بعدت علشان 
حاولنا احنا الاتنين بقدر الامكان 
لكن الحياة بعدت وقالت 
بعيد يالا ملكوش مكان 
شوية يتقال عمل واتعمل 
وشوية اسال نفسى ايه العمل 
وشوية تانية كنت كتير بفقد الامل 
لكن بعد السنين ما مرت عليا وعليك
وعشت عمرى بندة ليك 
عرفت انى بعدى عنك 
هو اكتر شى 
غير محتمل 
ارجع ياريتك ترجع 
لو دقيقة ولا ثانية 
المهم اشوفك 
حتى لو شفتك مع واحدة تانية 
من يوم الوداع 
مكنتش حتى الصدفة من نصيبنا 
بتحايل عليك يا زمن 
بتحايل عليك فى حالنا تسبنا 
لا تفكره ولا تفكرنى
انا عمرى ما نسيته 
وهو مكنش عايز يا قلبى يسبنا
..........

الثلاثاء، سبتمبر 08، 2009

نفسى أنساه

 
 
نفسى أتعلم أنساه 
نفسى أقدر مفكرش فيه 
نفسى أتحكم فى نفسى وانسى هواه 
نفسى مفضلش عايشة ليه 
نفسى أقدر اغير قلبى بقلب تانى
نفسى اخرج من احزانى
عدت سنين عليا من وقت ما بعدنا
لا يوم بعد عنى ولا نسيت مهما الزمن بعدنا
فاكرة يوم ما جالى فى الفجرية
قالى لسة بحبك انت كل ما ليا
فاكرة لحظة ما نزل دمع عنيه عليا
فاكرة كل التفاصيل زى ما تكون لسة انهاردة
ودايما حاسة بغربة سارحة وشاردة
بفكر فيه وبحبه اكتر من زمان
بشوفه قدام عيونى فى كل مكان 
كداب اللى يقول البعيد عن العين بعيد عن القلب
دة كل ما تبعد زيادة تفضل يا قلبى تحب
عمرى ما ححس انى عايشة 
ولا عمرى ححس بأمان 
 هنت انا لكن هو عمره يوم ما هان

الخميس، سبتمبر 03، 2009

فى حضن الليل


وبعد ما نامت العيون
وبعد ما هديت العقول
بعد ما راحت شمس الصباح
وكتير من الناس بطل صياح
ناديت الليل علشان يحضنى
ورميت نفسى بين احضانه
علشان يدينى حبة سكون
يساعدنى على معرفة مين أكون
امسك ورقة وامسك قلم
واعرف ازاى من جوايا اخرج الالم
امشى فى شوارع ضلمة قلبى ما يخاف
يدق دقات جميلة كانه لحبيبه شاف
يبتسم ليلى ويسالنى
ليه بتحبينى
ارد واقول لانك بترجع فيا حنينى
بتخلينى
اعشق الكون واستنى النهار
بتخلينى افكر بهدوء واعرف اختار
اعرف اخد فى حياتى قرار
بعيد عن الناس
والكلام
وحاجات كتير مش تمام
بتخلينى
افتكر حبايبى البعاد
وبتخلينى انسى وجع البعاد
اتعلمت فيك ازاى افتش عن كل حلو فيا
واتعلمت ازاى استحمل حمول الناس عليا
اتعلمت ان بعدك لازم بيكون فى يوم جديد
وانك بداية النهاية لكل صبح جايلنا بمواعيد
بعشقك يا ليلى
وعارفاك عاشق انا قلبى دليلى

بتخبى ليه


بتخبى ليه يا حبيبى حبنا
بتخبى ليه
بتخبى ليه قولى ايه ذنينا
بتخبى ليه
مش شايفة الحب بيكبر
ولا حتى بقيت بتقدر
تقول كل اللى جواك
خايف لحد يلمحك ويعرف انى وياك
حبتنى ليه من البداية
لما حتبقى كدة الحكاية
ضلمه وخوف واخرتها وداع
وحاجات كتير جواها خداع
اشمعنى كلهم فى النور
وانا وانت فى دايرة بندور
وكل يوم توعدنى انك حتقول
وكل يوم استنى
واقول لقلبى اتحنى
حبيبك مش حيخاف خلاص
وحيقولها لكل الناس
انك حبيبه
انت الوفا والاخلاص
حوفر عليك حبيبى التعب
حوفر عليك حتى العتب
حبعد بعيد مش عايزة هواك
ولا عايزة حد يعرف انى بهواك
ومسيرى حلاقى حبيبى تانى
يقول لكل الدنيا انه بيهوانى
الحب الحقيقى يا حبيبى
انه يكون مسموع يكون متشاف
لكل الناس
وكمان بمنتهى الصدق والاحساس
..........................
بلاش نحب ونخاف نقول اننا بنحب لازم كل اللى يحب يقول انه بيحب او بلاش منه الحب دى رسالة لكل محب ليه حبيب بيحبه ومش
قادر يعلن للناس كلها عن حبه

السبت، يوليو 11، 2009

مرتاحة



مرتاحة فى بعدك ومش حخبى
حقولك بجد من قلبى
كنت تعبنى كنت خنقنى
كنت مورينى الويل
كنت مخلينى ذليلة نهار وليل
ايه كان فى حبك يسعدنى
اللى يحبنى كان يحافظ عليا مش يفقدنى
الحب مفهوش خناق
وكل شى فى الحياة بالاتفاق
وعصر سى السيد راح وكتير صحى منه وفاق
ومبقاش دلوقتى كل شى بالغصب
والحوارات الكتير والكلام والنصب
دخلت طمعان فيا
خدت اللى كان ليا
ودلوقتى مبقاش شى فاضل
غير روحى ونفسى خليك بقى مرة عادل
وسبهملى اعيش بيهم
وروح انت دور من جديد على ضحية
انا اللى كنت عنك معمية
من كتر حبى فيك دلوقتى
بقسى على نفسى اكبر قسية

وحبعد عنك علشان لازم ابعد
وانت كنت كل ما ليا



الثلاثاء، مايو 05، 2009

رسينى يا حنينى

مالك عمال تروح وتجى

مالك عمال ترجع ليا اللى فات

وعمال تخلينى افتكر فى اللى مات

مالك عمال تصحى فيا الانين والذكريات

وكل ما اقول نسيت قدام عنيا القاك

مالك مش مرسينى

ليه دايما بتحب تسمع انينى

مكدبش عليك كانت احلى سنينى

فى حاجات كانت وقتها بدفينى

وكانت بتشيل الخوف من جوايا

وكانت ايامى كلها بترسينى

وادى الشط وصلتله

بس لسه باردو ايامى بتنادينى

رسينى يا حنينى واختار

يا تفضل فى الحاضر وتنسى

يا ترجع للماضى بس امانه بطل عليا تقسى


السبت، مارس 14، 2009

رجفة عاشقة




وفى لمحات


مرت حياتى أمامى وانا أرانى

أرى عيون جميلة تملؤها الدموع بغزارة

وارى خدود ورديه تحمر من شدة الخجل والنضارة

أرانى أرتجف من كلمات الحب

وارتعش مع كل دقة قلب

لا امتلك من نفسى سوى الروح

رجفة عاشقه خجولة

تبكى فقط عند الضرورة

لا تجعل من الاحزان قصة لها

تأملت فى شريط حياتى فى ذكرياتى

وها انا هنا حتى اليوم امتلك نفس الرجفة

مع اول كلمة حب

ومع اخر كلمة حب

وفى كل كلمة حب

تسمعها اذانى

ومع كل كلمة يريد ان ينطق بها لسانى


لا يسعنى سوى ان اقول

بان رجفة العاشقة فيها كل الحلول

فحين ترتجف القلوب

وتلامس العقول

تجد نفسك تقول

انا احب ولكن أنا خجول

وفى نفس اللحظة مع زيادة الرجفة

تتضيع تلك الاحسايس وياتى غيرها

يجعلك تقول انا لحياة جديدة منقول

وتبدأ فى سرد وكتابة الشعر المنثور

بدون خوف ولا غرور

واليوم تحررت انا من رجفة العشق

وأصبحت انطق بكل كلمات الحب

بتمكن دون استحياء دون فضول

أربعه وعشرين ساعه

اساعه واحده

دق القلب دقة واحده

واساعه اتنين

دقة القلب بسرعه دقتين

واساسه تلاته

بدا الاحساس بالحب يدخل فى القلب تاتا تاتا

واساعه أربعه

لاقيت احساس ومشاعر ناحيته متربعه

واساعه خمسه

حسيت منه باول لمسة

واساعه سته

لاقيت نفسى متبعتره مليون حته

واساعه سبعه

لاقيت لاقيت نفسى فى حبه قربت اتخرج من سنة رابعه

واساعه تمانيه

قلت لنفسى الدنيا فى قربه حاجة تانية

واساعه تسعه

لاقيت نفسى بتجرى عليه ولرضاه بتسعى

واساعه عشره

طلب ايدى وقالى عايز تبقى بينا عشره

واساعه حداشر

جه المأذون وكتب الكتاب قبل ما تبقى اتناشر

واساعه اتناشر

لاقيت نفسى فى بيتى وياه

واتحققت بيه الاحلام وشاف معايا سعده وشاف هناه

ويا بختو اللى يدق الحب بابه فى 24 ساعه

من غير ما يطول بيه الوقت اللى بضيع كل حاجة معاه




الاثنين، مارس 02، 2009

سيرتى الذاتيه يا سيدى


هل ترغب بمعرفة من اكون

أنا امرأة عشقت الحياة

ركضت بقوة

دون وعى او انتباه

أنا تلك المرأة التى تحررت من كل القيود

وحطمت كل الحدود

وجعلت من الزمن صديق ودود

انا تلك المرأة التى ضحكت لدنياها

وسرقت منها بعض السعادة ما زالت تعيش على ذكراها

لم تتدمع من الايام ولم تبكى على الاحلام

أخذت من دنيايا حلاوة الحب والالهام

لو سألت عنى الطيور سوف تجاوبك وتقول

تلك هى المرأة التى تمنت فى يوم أن تنول

حبك وعشقك المجنون

انا تلك المرأة التى تحارب الندم والغضب والبكاء

وودعت الجروح والاوجاع فا كل ذلك يجعل العمر يضيع هباء

وانا لست بتلك المراة الحمقاء

التى لا تنتهز الفرصة لتسعد بحبك

حتى ان كنت سترحل يوما ما لن اطلب منك البقاء

يكفينى أنك عرفت من أنا ربما فى يوم أسعد فى ليلة جديدة باللقاء

احبك ولك منى كل الاخلاص والنقاء والوفاء

فى زمن لم يبقى فيه سواء الرثاء

والبكاء

على ما مضى

طار يا سيدى للفضاء

مش احساسى اللى قالى


مش احساسى اللى قالى انه حيبيع

انا اللى قلت لاحساسى انه زى غيره مهواش حمل وديع

مش انا اللى كذبت على نفسى

نفسى هى اللى كذبت عليا لما قالتلى كملى معاه وبلاش عليا تقسى


وانهاردة فرد جناحاته واول ما حب يطير

طار وراح لغيرى انانى معندوش صحيح ضمير

وقبل ما يمشى خلانى ولا حاجة

خلانى احس انى اليه حفضل محتاجة

وافتكرت ان الدنيا حتتغير معاه

لاقتنى بتمنى الموت وانا فى عز هواه

مين يقول ان الحب يبقى مليان جروح مليان اهااااات

ليه أعيش نفسى فى حوارات فى متاهات

ولا عايزة حبه ولا عمرى حفكر فيه ولا فى اللى فات

انا بيه من غيره عايشة وهو مش حيعيش

حيفضل مبسوط وبحياته حيهيص

لكن بكرة يعرف قيمتى لما الزمان يعمل فيه عملته

لما يلاقى حد بيضربه بعزم ما فيه بكل قوته

ضربة تتقضى عليه ضربة تموته

طز فيك يالى كنت حبيبى

ولا حفتكرك فى يوم بحمد ربى انك مش نصيبى

والدنيا مش حتقف عليك انت وخلاص

فى مليون غيرك يستاهلو الحب والاخلاص

بس عايزة اقولك حاجه قبل ما تمشى






السبت، فبراير 07، 2009

زهرة بألف لون

Love Graphics Love Comments Romance Glitter Graphics


زهرة انت بألف لون ولون

زهرة انت وحبك فى القلب

وعشقك يا حبيبى جنون فى جنون

يوم أشوفك زهرةبيضا مليانه صفا وحنون

ويوم أشوفك زهرة حمرا مليانه حب وعشق وفيها كل الفنون

ويوم أشوفك زهرة صفرة كلها غيرة مليانه شك وظنون

ويوم أشوفك زهرة بنفسج مليان نقاء وامان من غير غيوم

ويوم أشوفك زهرة وردى مليانه عطف مفهاش سموم

ويوم أشوفك زهرة سماوى روحك حلاوتها تملانى شجون

ويوم أشوفك زهرة بألف لون ولون

ما تقولى يا حبيبى انت أى لون

من خلف نافذتى



من خلف نافذتى الشفافة أبحث عنك وانتظر عودتك منذ سنوات بقيت وانا واقفة ورائها أنتظر أن يعبر طيفك من امامى هل رحلت وقررت عدم الرجوع هل سترضى لى بالخضوع هل تريد منى أن أنسى ما كان ومازلت ترى أننى أستحق المزيد من الالام لم أكن أعلم بأنك قاسى القلب ولما أكن أعلم بأنك أنانى فلقد حسبت أنك انسان لك فى العروق دم ولك فى الجسد قلب فلقد جعلتنى أقف وأقف وانا فى النهاية لا أرى سوى طيف دموعى التى لا تجف لا أرى سوى أطياف ذكريات بقيت لى لا أجد بديل لك ولن أجد بديل لك فأنت الاصل مع كل كلمة ينطقها لسانى وأنت الاصل مع كل شعور يدق به قلبى فالشعور لك والاحساس لك والقلب لك والعقل لك وأنت هنئيا لك بنسيانى

السبت، يناير 10، 2009

ما السبب ؟؟

Red rose Pictures, Images and Photos

أهداني تلك الوردة الحمراء ورحل عنى
وانا مازلت منذ ذلك اليوم اشكو همي

انعت حظى وأسال نفسي لماذا الرحيل
هل فى حياته امراة اخرى سوف تكون هي البديل

أهداني الوردة الحمراء وسكن الكون منذ تلك اللحظة
وانا مشتاقه لعينيه وفى عيوني ملامحه حتى هذه اللحظة

لا أستطيع نسيانه ... لا لا أنني أستطيع نسيانه اذا ما عرفت السبب
ولكن الى اليوم ما زلت أجهل السبب أليست بقصة لها العجب

ان ياتي لك الحب فى يوم ما يطرق الباب
فتفتح أنت ويدخل هو من تلك الباب
وفجأة يختفى من بين يديك كالسراب

يا ترى هل من سبب ؟؟




الأربعاء، يناير 07، 2009

اكثر من روحى بحبك ومبنسكش أبدا



حياة جديدة

اللهم لا سهل الا ما جعلته سهلا
**********************

ولكن يأتي السؤال لماذا دائما نواجه الصعوبات بحلول أصعب ؟ ولماذا نختار الطرق الصعبة فى حين أن أمام أعيننا العديد من الحلول السهلة البسيطة ؟ لماذا دائما نعطى كل الامور أكبر من حجمها ونحمل أنفسنا ما لا طاقة لنا به ونعود بالشكوى والحسرة والمرار نعود بكلمة ياريت التي لا تجعل فى أيدينا اي اختيار؟ **
نحن دائما لا نحاول أن نبسط الامور على أنفسنا ودائما نتجه الى الجهات التي تجعل من مشاكلنا مصائب دائما نظل نقول حدث وحدث وحدث ولم يكن من الاساس هناك أي حدث انها امور بسيطة حاول أن تجعل هناك العديد من المرايا الخاصة بك لكى تتضع فيها كل شئونك حتى تستطيع أن ترى الامور على حقيقتها ترى ما انت فيه وما أصبحت عليه وما كنت عليه فى الماضي لا تحاول أن تحمل على أكتافك المزيد من أطنان الحمول التي تجعلك لا تتقدم خطوة الى الامام فأنت تحتاج الى الحمول الخفيفة التي تجعلك تركض مثل فرس أبيض فلقد اختلف الزمان واختلف المكان وهناك العديد من الوسائل التي تساعدك على أن يكون هناك بدائل لكل ما تفتقده فى حياتك رجاء لا تجعل حياتك تقف عند نقطة معينة فأنت من صنعت كل النقاط وانت من يستطيع وحدة أن يحدد خط هذه النقاط لا تضعف ولا تيأس فهناك دائما بريق من الامل لبداية حياة جديدة حياة مليئة بالامل والحب والعطاء لك أنت وحدك ولكن فى حالة واحدة اذا بحثت أنت بنفسك فلا تدع الاخرون يبحثون لك فهم لن يبحثوا لك بل سوف يجعلونك تتوهم بأن ذلك البحث هو لك وهم فى نفس الوقت يبحثون لانفسهم لذلك ابحث انت بنفسك عن نفسك وعن نقطة البداية الجديدة .

وعد منى حبيبى

Dancing In The Rain Pictures, Images and Photos

أه من عيناه دة انا واللهى ما حب القلب سواه

فقاعات نحن من السهل ان تفجرنا اللمسات

Buubles

الثلاثاء، ديسمبر 30، 2008

كل الكلام قليل عليكى



كل الكلام قليل عليكى

كل الحكايات منك يا امى وليكى

لما كنت طفل صغير

مين غيرك انتى خدنى فى حضنة

ولحد دلوقتى كبرت ولسة بتغير

مين فينا فى الدنيا ليه غير أمه

فتحت عنيا على الدنيا

وشوفت بعنيا صورتك


تسوى ايه الدنيا يا امى

والله والله وحشتنى شوفتك


قلبى معاكى وحاسس بيكى

وانا فى بعيد فى غربتى ومش ناسيكى


وحشتينى من هنا لابعد حدود

وحشتينى ومهما بعدت عنك

مسيرى فى يوم حعود


كل الكلام قليل عليكى

كل الحكايات منك يا امى وليكى

فاكرة اول حبيبة حكينا عليها

فاكر انا كأنه انهاردة فاكر

كل الحكاية مش ناسيها


وحشتينى يا أمى ياريتنى كنت قدام عنيكى

كنت ابوس رأسك أبوس ايديكى

علشان يا امى كل الكلام قليل عليكى