كل الكلام قليل عليكى

كل الكلام قليل عليكى

كل الحكايات منك يا امى وليكى

لما كنت طفل صغير

مين غيرك انتى خدنى فى حضنة

ولحد دلوقتى كبرت ولسة بتغير

مين فينا فى الدنيا ليه غير أمه

فتحت عنيا على الدنيا

وشوفت بعنيا صورتك

تسوى ايه الدنيا يا امى

والله والله وحشتنى شوفتك

قلبى معاكى وحاسس بيكى

وانا فى بعيد فى غربتى ومش ناسيكى

وحشتينى من هنا لابعد حدود

وحشتينى ومهما بعدت عنك

مسيرى فى يوم حعود

كل الكلام قليل عليكى

كل الحكايات منك يا امى وليكى

فاكرة اول حبيبة حكينا عليها

فاكر انا كأنه انهاردة فاكر

كل الحكاية مش ناسيها

وحشتينى يا أمى ياريتنى كنت قدام عنيكى

كنت ابوس رأسك أبوس ايديكى

علشان يا امى كل الكلام قليل عليكى

البيت القديم

البيت القديم اللى فيه الذكريات
البيت القديم اللى فيه كل الحواديت والحكايات

سبناه بعناه ومن وقتها واحنا ضايعين
مش عارفين لفين ولا على فين احنا رايحيين

مش لاقيين عنوان ولا سكة منورة
مافييش غير الظلام والسكك المتكسرة

البيت القديم كان فيه كل الدفا
كانت حيطانه تحضنا بالحب والوفا

فين الشيش اللى بنبص من وراه على الحبيب
فين الاوضه اللى كانت متر فى متر بس كان فيها الصديق

فين اللمة فين الشارع اللى مليان ناس
فين الصحبة فين الحاجات اللى مليانه احساس

فين يا طريق البيت القديم وفين بابه اللى كان عليه حبيبى يميل
قولى عليه يا طريق وانا حرجع امشيله ولو حتى الف ميل وميل

فين البيت القديم ؟؟

بقالنا سنين بنتكلم

عجبى على شعوب بقالها سنين بتتكلم
وغيرها كل يوم ورا يوم بيموت وبيتألم

القضية مش قضية شعب ولا شعوب
القضية قضية ضمير عربى من لسانه مسحوب

بقالنا سنين بنتكلم وخلاص
فين الوحدة العربية فين التفانى والاخلاص

اضرب بالجذمة وانهاردة اهى غزة فى ازمة
وبكره يا عالم ايه اللى حيحصل تانى ملهوش لازمة

فرحنا فرحة كبيرة يا عرب اه صحيح
لكن نهاية الظالم قتله فى ميدان عام بالعربى الفصيح

اه لو كنت مكان منتظر وكان سي بوش افندى قدامى
كنت هجمت عليه وقليل لو كلته بسنانى

ما هو الغل يعمل اكتر من كدة
بس يا عرب تفتكره فاضل ايه بعد كدة

بقالنا سنين بنتكلم نفسى نبطل كلام
نفسى نعمل حاجة تشيل الوجع والالام

نفسى نكون كلنا ايد واحدة فى يوم من الايام

الموضوع باختصار ومن غير كتر كلام

بقالنا سنين بنتكلم متهيألى كفاية يا عرب كلام فى كلام

كلام من القلب مش رباعيات بس انا بحب اشوف صورته قصادى

يا مرخص الغالى ما تُبص قُدامك 

    مَلكشى فى الغالى ولا العمى صابك
ياما قلوب إتعمت متأخر أوى إتعلمت 
طبع الرخيص الندم والغالى يِبقالك

مين داق هناه وشافه مين ده اللى يوم ينساه
دة مفيش قلوب خافوا من حب يسوى حياه 
مين اللى ساب فرحه وإختار فى يوم جرحه
غير اللى كان عاشق الجرح يوم م نداه

جرح القلوب يا إخوانا .. دى حاله عَرضيه 
واللى جرحنا فى يوم .. مسير يجيله يوم 
دة مفيش قلوب فى الدنيا .. م الجرح مَعفيـه

يكنش دة اللى اسمه ايه ؟؟ أيو الحب اللى بيحكو عليه

يكنش دة اللى أسمه ايه ؟؟ أيوا اسمه الحب اللى بيحكو عليه

هو انا بفكر فيك كتير كدة ليه

يكنش دة اسمه ايه اللى بيقولو عليه

دايما صورتك قدام عنيا

ولو غمضت النوم يروح من عنيا

سمعت انه بيعمل فينا اكتر من كدة

طيب قولى كدة يا ترى انت كمان كدة

ولا لوحدى انا بس اللى كدة ؟؟

يكنش هو دة الحب اللى بسمع عنه

يكنش هو دة الحب اللى الناس بتخاف منه

تصدق مش عارفه ليه ؟؟

لما بسمع اسمك بيدق قلبى

ولما بتبعد عنى مش عاوزة اقولك على همى

ولما بشوفك قدامى بحس انى عايشة الحياة كلها عايشة سنى

هو دة الحب يا حبيبى يارتنا اقدر اقولك وتبقى بختى ونصيبى

تعالى طيب بص فى عنيا

يمكن وقتها تحس بيا

وتقولها انت كمان بحبك يا حبيبى

عارفين الحل ايه الحل هو البوكية

Kathys Comments

لما بزعل من حبيبى بستناه يجى يصالحنى
بوسة على الخد ولا أغنية حلوة وباللى جواه يصراحنى

مبحبش الزعل بينا يطول
وبحب دايما كل اللى فى قلبه يقول

بستنى منه أوقات الهدية
مش مهمة غالية دهب ولا الماظ ولا لولى

كفاية بوكية ورد باللون اللى بحبه يجى يدهولى
وشوية كلام حب يجى فى ودنى يقولهولى

عرفتم الحل ايه الحل هو البوكية

البنت المصرية

البنت المصرية بنت جدعه عشرية طيبة حنينة رومانسية ومش زى بنات كتير غجرية البنت المصرية بنت تنفع تبقى أم ومبتعملش حركات نص كم لو دورت عليها تلقيها معاك دايما تشيل الهم وقت الزنقة تبقى بميت راجل وأدها حتى لو فى يوم من الايام حست أنها وصلت حدها أخت تلاقيها زوجه تلاقيها حبيبة مافيش احسن منها بس المهم انت تعرف تلاغيها مش بتحب القسوة ولا العصبية ولا بتيجى بالطريقة القاسية الهمجية بتحب المناقشة والعقل فيها وبطبعها اوقات عندية البنت المصرية ناقص تبقى ايه ؟؟ تبقى سفيرة ولا وزيرة ما هى خلصت بقت يا بيه المهم بس نعرف قيمتها مش بالفلوس ولا باللبس السنييه البنت المصرية مش بتحب حد يفضل يفترى عليها ولا بتحب الراجل اللى دايما طوعها وملك ايديها بتحب الراجل اللى يشاركها فى كل حاجة وفى نفس الوقت تحس انه ليها البنت المصرية لو فضلت اوصف فيها لبكرة مش كفاية مش علشان انا مصرية بقول الكلام دة لا صدقونى هى دى اصل الحكاية الست المصرية حكايتها طويلة ملهاش نهاية

Christmas Lights provided by MySpaceGraphicsandAnimations.com

كل سنة وانتم طيبين

السنين بتعدى ويعدى العمر معاها .. لا بنرتاح وسنة ورا سنة تزيد التوهه والاهه

عندما ينادينا الموت

عندما ينادينا الموت نجد انفسنا خائفون حائرون تائهون لا نعلم أين نختبىء ولا نعلم لماذا دائما نخاف الموت هل لان الموت نهاية ام لانه بداية ، فعندما يكون الموت نهاية فنحن نفارق الاحباب والاصحاب نفارق حلو الحياه ومرها نفارق ما نحب وما نعمل وعندما نخاف منه أن يكون بداية لاننا نعلم بأنه ما زال هناك العديد من الاشياء التى كان يتوجب علينا فعلها ولكن أخرتنا متع الدنيا عنها وأخرتنا عن ذكر الله والتقرب منه وأخرتنا عن اكمال ما جئنا الى الارض من اجله .....
عندما ينادينا الموت نجد نظرة العطف فى عيون الاخرون وهم لا يعلمون ان لهم يوما سوف يناديهم الموت ولكن يختلف الموعد وتختلف الطريقة هل رأيت الموت فى يوم من الايام ؟؟ لقد رأيته ورغبة فيه بشدة وفى نفس الوقت عندما نظرت الى عيون عشاقى ومحبينى شعرت بالخوف لاننى سوف افارقهم وفى هذه اللحظة نظرت الى السماء وطلبت من ربى طلبى الاخير يارب يا الله يا كريم يا رحيم اعطنى فرصتى الاخيرة فأنا ما زلت اطمع فى الحياة ليس من أجلى انا ولكن من اجل صغيرى طفلى ومن أجل كبيرى أبى . أتعلمون أتفهمون حلاوة الموت تكمن فى أن ترغبه ومرارة الحياة تكمن فى أن لا ترغبها حتى تستطيع فهم دورك فى الحياة فأنت موجود فى الوجود من اجل رسالة ان حققتها فأنت تحيا حلاوة الحياة وان لما تستطع او تجاهلت هذة الرسالة فأنت ميت والموت قريب لا محال ...

ماسك قلبى بايديك

يا اللى ماسك قلبى بايديك
ياللى مخلى روحى بترفرف حواليك
ما تسبنى شوية اتصرف بطبيعتى وعلى حريتى
انا بجد متربية وبخاف ربنا وبخاف على عذريتى
المفروض دة شىء يشجعك تحبنى
مش يخليك تبعد عنى وتحاول تهدنى
مش دة اللى حيكمل علاقتنا
ولا حيخلينا نحس بطعم دنيتنا
خلينا نخاف ربنا ونتقيه ونقرب منه
دة البنى ادم مننا متربى على الاخلاق من صغر سنه
حاول تفهمنى حاول تسمعنى حاول تعرف انه مينفعش
حاول تفهم ان الدين والاخلاق متسمحش
وخلى بالك ان يوم ليك والتانى عليك
واللى تتطلبه انهارده غلط
بكرة تلاقيه فى بيتك وحواليك
بحاول كل ده افهمك علشان انا بجد قلبى شاريك
وانتهت خاطرتى اللى هى مجرد خاطرة خطرت سطورها على بالى ارتجالا وعلى كل بنت بتواجه المشكلة دى تاخد السطور دى وتحاول تفهمها لحبيبها وتقوله ان الحب الحقيقة هو حب الروح وليس الجسد

انشد يا قلبى

سنة جديدة فى عمرنا

مستنين ايه ؟؟ مسنين سنة جديدة فى عمرى وعمرك

مستنين حاجات تانية مش حتجى لا بامرى ولا بامرك

حاجات كتير مستخبية عننا

فيها الوحش وفيها اللى حيفرح قلبنا

مستنين أيه ؟؟

حب جديد ؟؟

طفل جديد ؟؟

شغل جديد ؟؟

ولا مستنين زمن جديد نغير فيه نفسنا ؟؟

سنة جديدة فى عمرى وعمرك

خليها تكون سنه سعيدة كلنا

ايدينا ى ايدين بعض

نفتكر اللى فى العراق والاقصى ونعمل حاجة ليهم كلنا مع بعض

بلاش نفضل طول الوقت نفكر فى نفسنا

وبلاش نفضل كمان حاطين ايدين على خدنا

تعالو نعمل حاجة ليهم فى السنة الجديدة كلنا

كل سنة وانتم طيبين

ضاعت حروف أسمى مثلما ضاع هو

فى كل المرات التى بحثت فيها عن ذاتى كنت أراه

كنت اتمناه واتمنى ان تعود أيام العمر الجميل

لما أكن أتوقع لحياتى الاستمرار بدونه

ولما اكن أتوقع ان أكون لغيره يوما ما

أين هو الان ؟؟ هل هو مع امراة اخرى غيرى ؟؟

هل هو يبحث أيضا يبحث عنى ؟؟

هل أنا ما زلت فى أحلامه ؟؟ وما زال ينتظرنى فى الطريق ؟؟

نعم انه الحب الاول لم يكن يوما وهما ولم يكن حقيقة أستمرت مع الايام

أنه ذكرى لا تنتهى حتى مع مرور الزمان

أنه بداخلى وفى كل مكان

أنه حبيبى فتى الاحلام

من أنا

شوية حاجات عنى :
انا بقى بحب اوى الرومانسية وبحب ان الانسان يكون رومانسى لانى بشوف ان الرومانسية بتخفف ضغوط الحياة اللى بنعيشها
انا بقى بحب اوى المزيكا بكل انواعها وبحب الالات الموسيقية كمان بكل انواعها وخصوصا الشرقية وبشوف بجد انها غذاء للروح والعقل والجسد كمان
انا بقى بحب اوى ان الواحد يكون صريح وميخفش من اى حاجة ويقول كل حاجة جواه انشالله تكون ايه ولمين وهو يعنى حيحصل ايه لو حتى حتموت قول اللى جواك ووقتها حتبقى ساعتك جت
انا بقى بحب اوى الصداقة وبشوف ان الانسان اللى ملهوش اصدقاء دة حاجة من الاتنين يا طيب اوى اوى يا لئيم اوى اوى الصداقة دى هى معنى وجودك فى الحياة
انا بقى بحب اوى البيت بيتوتيه جدا وبحب كدة اقعد والبيت يكون نظيف ورايق وريحته حلوة وانور اباجورة او اضاءة خلفية خفيفة كدة واسهر اسمع الاغانى اللى بحبها كلها واكتب او امسك كتاب اقرى فيه او يا سلام بقى على مج كاكاو بالحليب فى الشتا قدام فيلم ابيض واسود قديم والواحد قاعد مدفى كدة الله الله الله

انا بقى بعشق السهر والليل وبلاقى نفسى جواه ونسهر سوا انا و الليل نحكى ونفتكر حاجات جميلة راحت ومش راجعه تانى
انا بقى بحب اوى الشغل وبشوف ان الانسان اللى مش بيشتغل زيه زى الميت بحب اشتغل فى كل حاجة واتعلم اكتر من حاجة مش بحب اوقف نشاطى او خبرتى عند شىء معين
انا بقى بحب اوى العيلة ولمة العيلة وبحب اوى اهلى وقريابى وبشوف ان هما دول اللى بيدو طعم للحياة ।

كفاية عليكم كدة اه ما هو مش لازم الانسان يكون كتاب مفتوح للى قدامه ودى باردو من الحاجات اللى بحبها اوى الخصوصية

حنينى هنا والحب الاول هنا وذكريات العمر الجميل هنا

بلاقى نفسى هنا وبتعرف عليها من جديد

كل واحد فينا فى الحياة عنده حاجات بيحب يعملها وحاجات بيلاقى نفسه فيها
كل واحد فى الحياة عنده حاجات بيعتز بيها وحاجات ميقدرش ابدا انه يستغنى عنها
كل واحد فينا عنده ذكرياته وعنده حاجاته عنده ايام بيحبها وساعات بيدور دايما عليها
كل واحد فينا بيستنى الوقت اللى بيعمل فيه الحاجة اللى بيلاقى نفسه جواها
انا بلاقى نفسى مع قلمى وكراستى وجهاز الكمبيوتر
اللى بيخلينى انسى الحياة وكل اللى براها
بلاقى نفسى فى خواطرى واشعارى حتى لو مكنش مظبوط او متنسق
المهم انى اطلع اللى جوايا وميهمنيش انه يكون بالفل والورد متزوق
بلاقى نفسى فى سطورى اللى بسرد فيها معانى الحياة
سطورى اللى بتستحملنى وبتخلينى مقولش حتى الاه
ولما بشوف تعليق مكتوب على سطر من السطور
ولا بشوف مشاركة من شخص حتى بالنسبة ليا مجهول
بحس بفرحة زى فرحة الطفل بلعبه جديدة مبهور
واحلى حاجة فى سطورى انها من قلبى انا
من ايدى انا وكلامى كله مافيش منه اى شىء منقول

ايام وبنعيشها ودقايق بتعدى وساعات

Created by Crazyprofile.com

كنتى ومازلتى وسوف تظلى صديقتى مهداه الى صديقة العمر نيللى

فرقنا حلم الثوب الابيض يا صديقتى
كنتى وما زلتى وسوف تظلى انتى حبيبتى

بعدت بينى وبينك كل الحدود
ورحلت عنك وقسوت علينا الظروف

ولكن لم انساكى يا صديقة الطفولة البرئية
يا حلمى يا صاحبة الدهر والايام الجميلة

ااااااااه يا صديقتى لو تعملين بحالى
وكم اشتاق للحديث معك ولتلك الليالى

عندما تعلو الضحكات فى القلوب
عندما تخرج الاهااااااات ومعها الدموع

كم أشتاق اليكى وكم اتمنى وجودى بجوارك
اشتاقت اذنى يا رفيقة الدرب الى حوارك

أعدك بأن أعود اليكى انتظرينى
واعلم بمجرد رؤيتك لى سوف تحتضنينى

وهذا هو ما انا بحاجة اليه انت يا صديقتى كالماضى تحتوينى

أشتاق اليك

يا بحر خليك معايا

يا بحر خليك معايا
امسك ايديا وعلمنى العوم جواك

غرقت انا كتير والسبب موجك وهواك

نزلت قلت انا بعرف اعوم

لاقيت نفسى غرقانه ومش عارفه من شدة هواك اقوم

عشقتك عشق من غير سبب

هويت ليك ومنك وانت يا بحر منك واليك السبب

حبيبى جايلى عندك خليه يستنانى

ولو اتاخرت عليه اوعى يا بحر تخليه فى يوم ينسانى

هناك عندك كان اول لقا

وهناك عندك كان اخر لقا

ولنفس المكان مسيرنا نعود مين تانى

وترجع ايامنا الحلوة والليالى

يا بحر خليك معايا انت الوحيد اللى اشتكيت انا ليه حالى

قلب واحد مش كفاية فى حبى ليك

قلب واحد مش كفاية فى حبى ليك دة انت محتاج الف قلب يحس بيك

رابطة مدونات مصر

عشاق لا يعرفون معنى العشق

كان زمان الحب حاجة حلوة كانو الناس بيفهموه

دلوقتى الحب كله عذاب وقليل اللى يعرفوه

يا عشاق عايزين تعرفو معنى الحب ايه

معنى الحب لما تلاقى حبيبك ايديك على طول الطريق ماسكة ايديه

لما تلاقى حبيبك مستني منك كلمة حلوة تخليه يطير فوق فى سابع سما

كلمه يحس فيها انكم واحد مش اتنين مش كل واحد فيكم يقول لا مافيش غيرى انا

الحب لما تتضحى بروحك فداه وعلشانه

الحب لما تلاقى احزانك شايلة احزانه

لما تلاقى الفرحة بينكم مقسومة

وتلاقى الدمعه بينكم مهزومة

الحب لما تعرف تحس بيه من بعيد

لما تلاقيه فى اى وقت سواء وقت عادى ولا شديد

الحب معناه انك تخليه يقول اللى جواه

وانت عليك انك تعرف معناه

سيبه يبص لعنيك حتى لو متكلمش

سيبه يعرفك ومنك يقرب علشان فى يوم ميتألمش

اديه الامان واديه الحنان

اديه اللى ملكك واللى اخدته من الزمان

خليه جمبك وجوه حضنك

وريه انه من بعده خلاص محدش شى فى الدنيا اصبح يهمك

اصبر عليه وخده بالراحة

لو كنت عاوز منه انه يشيلك على كفوف الراحة

يا عشاق ياللى بتقولو انكم بتحبو .....

افهمو معنى الحب لو عايزين تحبو ....

رباعياتى تجربتى الاولى

وعجبى على قلب مظلوم

ماشى فى الدنيا شايل هموم

كل ذنبه انه عشق

فى دنيا العشق فيها مش مفهوم 

 

 سيرة البنت العفـيفة

هى أحـــسن شيء يدوم

حبرها مكتوب بدينـــــها

مش بمكيـــاج أو هـدوم 

 عجبى 

الزهور بتكون جمــــيلة

طول ما لسّه الشوك حاميها

بس لو يوم شوكها سابــها

ألـــــــف ايـــد تتمد ليها

عجبى 

احسان عبد القدوس

دمى ودموعى

معملتش حاجة غريبة

معملتش حاجة غريبه معملتش حاجة اتعاقب عليها معملتش شىء من الاشياء العجيبة !!!
أنا زى كل الناس حبيت بنيت امانى ودنيا وبيت زرعت ورد وشوق وحنين ضحيت بعمرى سنين وسنين علشان انانى بعنى ورمانى فوقنى من اجمل احساس خلانى اشك فى كل ناس مبقتش اصدق اى دموع وكفاية عشت سنين مخدوع من البداية كان مش معايا اخرتها سبنى فى نار واللى بنيته انهار والغلطه انى امنتله يوم حول حياتى ايه من حضن هواه غير نار وويل والم كتير رغم اللى راح من عمرى وفات الماضى عمره فى قلبى ما مات انا مش هقول على نفسى جنيت مانا زى كل الناس حبيت واديت حنانى عذاب وهموم كان ليه ياقلبى ضعفت معاه فضلت تددى وياريت ما اديت كان كل ذنبى انى حبيت !!!!!

بعد كل موت فراق وبعد كل فراق موت

هاهو قطار الفراق يعلن استقراره في محطة حكايتنا..
وها أنت ذا تحمل حقائب الأحلام والأيام وتتجه نحو الغياب..
وها أنا ذا أستعد للوقوف بظهر مكسور وهامة مجروحة..
لألوح لك بشموخ هاديء وهدوء شامخ..
وكأن الأمر لا يعنيني..
وكأن الألم ليس ألمي..
وكأن الجرح ليس جرحي..
وكأن الهزيمة ليست هزيمتي..
وكأن الحكاية الميتة لم تكن يوماً حكايتي..

أتساءل:هل بالفعل تموت الحكايا؟
وحين تموت الحكايات ، أين يذهب الأبطال؟
وأين تذهب الأحاسيس؟
وماذا يكون مصير الأحلام؟
وإلى أين يلجأ أطفال الحكاية؟
فلمعظم حكايات الحب أطفال..أطفال نعجنهم بماء الخيال..
ونرسمهم على صفحة قلوبنا..نمنحهم ملامحنا..
وننتقي لهم أسماء مشتقة من أحلامنا..
ونحبهم جدا.. وننتظرهم بفارغ العشق والأمل..

ننتظرهم .. نعم
لكن انتظارنا لهم يطول ويطول ويطول..
فعلى الرغم من إحساسنا بهم..
وعلى الرغم من حبنا الصادق لهم..
وعلى الرغم من شعورنا بحركاتهم في أحشاء الحلم..
إلا أننا لانلدهم أبداً..
ربما لأننا حلمنا بهم خارج رحم الواقع..
نخزنهم في الدفاتر بعيداً عن فضول الواقع..
نسجلهم في ذاكرتنا كأي حدث من أحداث الحكاية..
فإذا ماعاشت الحكاية..كبر الصغار بها..
وإذا ماتت الحكاية وُئد بها الصغار..
واسألوا نساء الأرض العاشقات..
عن أطفالهن النائمين في دفاتر الخيال..
أو افتحوا دفاتر الحكايات الفاشلة..
وأحصوا عدد أطفال الدفاتر فيها..

وسؤال آخر:لماذا حين تنتهي الحكاية..
ونهمل كل أوراقها وطقوسها وذكرياتها..
لانفكر سوى في كيفية احتمال الألم الناتج عنها..
ونعلن الحداد..فلا نرى من الحياة سوى سوادها..
ولانتذكر من الحكاية سوى ركنها المظلم..
ونهيء أنفسنا للحزن والألم والندم والبكاء..
على الرغم من أن مرحلة مابعد الفراق..
قد تكون مرحلة أخرى أجمل وأصدق..
إذا نحن أردنا ذلك؟
ماذا يأتي بعد الفراق؟
أشياء كثيرة تاتي بعد الفراق..
يهاجمنا الفراغ كسماء بلا نهاية..
يحاصرنا الحنين كوحش مفترس..
تنغرس فينا البقايا كأسنة السيوف..
تمزقنا الذكريات كأنياب حيوان جائع..
ونرفض المكان ونهرب من الزمان..
ونطرق كل أبواب النسيان..
ونفشل..
نعم نفشل..
فتجربة النسيان لاتقل صعوبة عن تجارب الاختراعات العلمية
ولأن الإحساس الذي كان في داخلنا كان صادقا
ولأن الأحلام التي عاشت فينا كانت رائعة
ولأن أمانينا التي غرسناها في أرض الحكاية كانت نقية
ولأن الحكاية كانت وسيلة من وسائل اتصالنا بالوجود
ولأننا كنا الطرف الأكثر شفافية في الحكاية
فإننا نفشل.. وبجدارة
لكن ...!!لو اعتبرنا الحكاية
مجرد مرحلة من مراحل العمر
وليست العمر كله
لوجدنا أمامنا متسعا من الوقت للوقوف من جديد
والزحف نحو مرحلة جديدة من مراحل العمر
لأن العمر هو المراحل
والحكاية مجرد مرحلة من هذه المراحل
فإذا ما انتهت تلتها مرحلة أخرى
نحن فقط القادرون على جعلها
أحلى.. ، أو... أمّّر

فإن كنت من أولئك الذين يتألمون
وتجد صعوبة في الخروج من سياج حكاية فاشلة
فأحضر ورقة وقلماً
واكتب أحاسيسك المؤلمة عليها
وقم بترقيمها..، ولانحزن حتى لو جاوز عددها الألف
وعاهد نفسك على أن تتخلص منها بالترتيب
وحاول محاولات جادة وصادقة
واشطب كل احساس تتمكن من التخلص منه
وحين تصل إلى الرقم الأخير
ستجد أنك قد تخلصت من كل أحاسيسك المزعجة
وقبل أن يرعبنا المساء
بعض الحكايات تبدأ بكلمة..
وتنتهي بصمت
وبعضها يبدأ بتجربة
وينتهي بإنفجار
وبعضها الآخر يبدأ بلعبة
وينتهي بمأساة
وبعد أن أرعبنا المساء
من بين كل الحكايات
هناك حكاية واحدة فقط
هي حكاية العمر كله
إنها تلك الحكاية التي تمسح كل الحكايات
وتبقى هي فقط بطقوسها وشخوصها
وهي حكاية لاتموت فيك أبدا