يا مرخص الغالى ما تُبص قُدامك
مَلكشى فى الغالى ولا العمى صابك
ياما قلوب إتعمت متأخر أوى إتعلمت
طبع الرخيص الندم والغالى يِبقالك
ياما قلوب إتعمت متأخر أوى إتعلمت
طبع الرخيص الندم والغالى يِبقالك
مين داق هناه وشافه مين ده اللى يوم ينساه
دة مفيش قلوب خافوا من حب يسوى حياه
مين اللى ساب فرحه وإختار فى يوم جرحه
غير اللى كان عاشق الجرح يوم م نداه
دة مفيش قلوب خافوا من حب يسوى حياه
مين اللى ساب فرحه وإختار فى يوم جرحه
غير اللى كان عاشق الجرح يوم م نداه
جرح القلوب يا إخوانا .. دى حاله عَرضيه
واللى جرحنا فى يوم .. مسير يجيله يوم
دة مفيش قلوب فى الدنيا .. م الجرح مَعفيـه
المشاركات
رباعياتك جميله اوى ياجى جى
ردحذفالله عليكى
متحرمش منك يا مها ودايما تشجعينى كدة بجد هى رباعيات ولا مجرد كلمات اوقات كتير بحس انها ابعد ما يكون عن الرباعيات
ردحذف◕‿◕ جمال جدا طبعا ومش مها بس اللي بتقول كده يعني .. بس يا سلام لو حضرتك تشيلي صوره عم جاهين وكلمه عجبي .. لان الصوره والكمه حيجبروني اني اقارن .. الرباعيات اللي حضرتك كتباها كلها جميله وافكارها كملان جميله ومفهومه وهادفه .. وان اكنت طويله يعني مش بعرف اخطف كده البيت في نفس وانا بقرا .. هههههههه .. اصلي بصمجي .. ◕‿◕ بصفخ خاصه بقي الرباعيه التانيه .. جميييييله جدا .. اخر رباعيه .. الله بجد .. بس رباعيه الشاب الجدع "مش فاهمها اصلي مش جدع :) .. معلش طولت انا شويتين ◕‿◕
ردحذفلا انت جدع وفاهم الرباعية بتقول ايه ومقدرش انى اشيل كلمة عجبى ولا اشيل صورة جاهين مقدرش دى حاجة لا ارداية وبعدين الموضوع اساسا مفهوش مقارنة مينفعش انى اتقارن بيه انا ايه انا بالنسبة ليه ولا حاجة ولا عمرى حكون شى ربعه حتى !!
ردحذفعجبى على قلب مفتوح كله فرح وحب وحنان
ردحذففجأة مشى مع الطيار وذاق طعم المر وفقد الامان
وقال لنفسه انا اللى جبته لنفسى انا الغلطان
ليه تخليه يا ابن ادم يعيش فى عز فرحته يلعن ابو الزمان
رباعيات جميلة جداا تسلم ايدك