hi5

الأربعاء، ديسمبر 02، 2009

العمر كبر فيا




هو أنا كبرت فى العمر 
ولا العمر اللى كبر فيا
هو انا اللى الايام على بتمر
وانا اللى مش حاسة بمرور الايام عليا
أنا مكبرتش ولا حاجة
دة انا حتى لسة لمليون حاجة محتاجة
هو مش اللى بيكبر بيبقى خلاص
بطل يطلب بطل الاحساس
مكبرتش حتى مشاعرى هى نفسها
واحدة عمرها ما حبت نفسها
واحدة عاشت تضحى طول عمرها
احلامى لسة هى هى

ضحكتى باينة اهى مش مستخبية
وحزنى لو دمعت دمعه واحدة
صدقونى بتبان على طول عليا 
لا عمرى خبيت 
ولا عمرى دورت ولاقيت
طول عمرى راضيه
فى حالى كدة وهادية
بس الدوشة حوليا 
ومفيش حاجة بعد العمر دة كله 
حسيت انها بجد بقت ليا 
مملكش غير احساسى ومشاعرى
ممكلش غير ذكرياتى واوراقى وشعرى
مملكش ومش عايزة املك 
مين فينا يعنى بيملك 
يختار اللى يملكه 
بس مخترتش املك العمر 
الايام مهما بتمر
عمرى ما حسيت انى عشتها
العمر كبر فيا 
ولا انا اللى كبرت فى العمر
انا لسة هى هى 
والسنين ايام بتمر







هناك تعليق واحد:

  1. جيجي بحب الناس ليكي واحترمهم ليكي عمرك ما هتكبري هتفضلي في عين كل انسانة او انسان مننا جيهان البريئة الجميلة اللي مفيش منها اتنين ابدا...خلي السنين والايام تمر وهتفضلي انتي جيجي.... وسيبي الحزن والهم لناسهم انتي دايما الابتسامة اللي بتشيل حزن اي حد مننا ربنا يديم عليكي السعادة يااااااااارب

    ردحذف