بتكلم معاه

قابلت كل الناس طول السنين اللى فاتت 

وعديت بلاد وبلاد 

شفت وشوش كتير عليا فاتت 

ولبست الابيض وفرحت 

ولبست الاسود

وعملت حداد 

اتحبيت وحبيت 

وافتكرت ونسيت 

وسافرت وجيت 

وانا لسه عايشة 

بدور عليك 

خلتنى كتبت فى كل حاجة 

خلتنى دورت فى كل حاجة 

وعشت دايما محتاجة 

لنظرة من عنيك

سامحت نفسى على علمتها فيا 

وسامحتك على اللى عملته انت فيا 

وكل يوم بتمنى لمسة ايديك 

بكيت بدل الدموع دم 

وشلت فوق دهرى طول السنين 

جبال جبال من الهم 

وشوية اضحك 

وشوية الاقى نفسى فجأة 

حياتى صبحت غم 

مجرد ما تجى قدام عنيا 

وافتكر لحظة وداعنا 

يوم ما خدنا القرار 

وانت بتبكى بانهيار

وتترجانى استنى معاك

وانا بمنتهى القسوة 

سكت وعملت مش سمعاك

بس انت عارف وانا كمان 

انى بعدت علشان 

حاولنا احنا الاتنين بقدر الامكان 

لكن الحياة بعدت وقالت 

بعيد يالا ملكوش مكان 

شوية يتقال عمل واتعمل 

وشوية اسال نفسى ايه العمل 

وشوية تانية كنت كتير بفقد الامل 

لكن بعد السنين ما مرت عليا وعليك

وعشت عمرى بندة ليك 

عرفت انى بعدى عنك 

هو اكتر شى 

غير محتمل 

ارجع ياريتك ترجع 

لو دقيقة ولا ثانية 

المهم اشوفك 

حتى لو شفتك مع واحدة تانية 

من يوم الوداع 

مكنتش حتى الصدفة من نصيبنا 

بتحايل عليك يا زمن 

بتحايل عليك فى حالنا تسبنا 

لا تفكره ولا تفكرنى

انا عمرى ما نسيته 

وهو مكنش عايز يا قلبى يسبنا

..........

نفسى أنساه

 

 

نفسى أتعلم أنساه 

نفسى أقدر مفكرش فيه 

نفسى أتحكم فى نفسى وانسى هواه 

نفسى مفضلش عايشة ليه 

نفسى أقدر اغير قلبى بقلب تانى

نفسى اخرج من احزانى

عدت سنين عليا من وقت ما بعدنا

لا يوم بعد عنى ولا نسيت مهما الزمن بعدنا

فاكرة يوم ما جالى فى الفجرية

قالى لسة بحبك انت كل ما ليا

فاكرة لحظة ما نزل دمع عنيه عليا

فاكرة كل التفاصيل زى ما تكون لسة انهاردة

ودايما حاسة بغربة سارحة وشاردة

بفكر فيه وبحبه اكتر من زمان

بشوفه قدام عيونى فى كل مكان 

كداب اللى يقول البعيد عن العين بعيد عن القلب

دة كل ما تبعد زيادة تفضل يا قلبى تحب

عمرى ما ححس انى عايشة 

ولا عمرى ححس بأمان 

 هنت انا لكن هو عمره يوم ما هان

فى حضن الليل

وبعد ما نامت العيون
وبعد ما هديت العقول
بعد ما راحت شمس الصباح
وكتير من الناس بطل صياح
ناديت الليل علشان يحضنى
ورميت نفسى بين احضانه
علشان يدينى حبة سكون
يساعدنى على معرفة مين أكون
امسك ورقة وامسك قلم
واعرف ازاى من جوايا اخرج الالم
امشى فى شوارع ضلمة قلبى ما يخاف
يدق دقات جميلة كانه لحبيبه شاف
يبتسم ليلى ويسالنى
ليه بتحبينى
ارد واقول لانك بترجع فيا حنينى
بتخلينى
اعشق الكون واستنى النهار
بتخلينى افكر بهدوء واعرف اختار
اعرف اخد فى حياتى قرار
بعيد عن الناس
والكلام
وحاجات كتير مش تمام
بتخلينى
افتكر حبايبى البعاد
وبتخلينى انسى وجع البعاد
اتعلمت فيك ازاى افتش عن كل حلو فيا
واتعلمت ازاى استحمل حمول الناس عليا
اتعلمت ان بعدك لازم بيكون فى يوم جديد
وانك بداية النهاية لكل صبح جايلنا بمواعيد
بعشقك يا ليلى
وعارفاك عاشق انا قلبى دليلى

بتخبى ليه

بتخبى ليه يا حبيبى حبنا
بتخبى ليه
بتخبى ليه قولى ايه ذنينا
بتخبى ليه
مش شايفة الحب بيكبر
ولا حتى بقيت بتقدر
تقول كل اللى جواك
خايف لحد يلمحك ويعرف انى وياك
حبتنى ليه من البداية
لما حتبقى كدة الحكاية
ضلمه وخوف واخرتها وداع
وحاجات كتير جواها خداع
اشمعنى كلهم فى النور
وانا وانت فى دايرة بندور
وكل يوم توعدنى انك حتقول
وكل يوم استنى
واقول لقلبى اتحنى
حبيبك مش حيخاف خلاص
وحيقولها لكل الناس
انك حبيبه
انت الوفا والاخلاص
حوفر عليك حبيبى التعب
حوفر عليك حتى العتب
حبعد بعيد مش عايزة هواك
ولا عايزة حد يعرف انى بهواك
ومسيرى حلاقى حبيبى تانى
يقول لكل الدنيا انه بيهوانى
الحب الحقيقى يا حبيبى
انه يكون مسموع يكون متشاف
لكل الناس
وكمان بمنتهى الصدق والاحساس
..........................
بلاش نحب ونخاف نقول اننا بنحب لازم كل اللى يحب يقول انه بيحب او بلاش منه الحب دى رسالة لكل محب ليه حبيب بيحبه ومش قادر يعلن للناس كلها عن حبه

مرتاحة

مرتاحة فى بعدك ومش حخبى
حقولك بجد من قلبى
كنت تعبنى كنت خنقنى
كنت مورينى الويل
كنت مخلينى ذليلة نهار وليل
ايه كان فى حبك يسعدنى
اللى يحبنى كان يحافظ عليا مش يفقدنى
الحب مفهوش خناق
وكل شى فى الحياة بالاتفاق
وعصر سى السيد راح وكتير صحى منه وفاق
ومبقاش دلوقتى كل شى بالغصب
والحوارات الكتير والكلام والنصب
دخلت طمعان فيا
خدت اللى كان ليا
ودلوقتى مبقاش شى فاضل
غير روحى ونفسى خليك بقى مرة عادل
وسبهملى اعيش بيهم
وروح انت دور من جديد على ضحية
انا اللى كنت عنك معمية
من كتر حبى فيك دلوقتى
بقسى على نفسى اكبر قسية
وحبعد عنك علشان لازم ابعد
وانت كنت كل ما ليا

رسينى يا حنينى

مالك عمال تروح وتجى

مالك عمال ترجع ليا اللى فات

وعمال تخلينى افتكر فى اللى مات

مالك عمال تصحى فيا الانين والذكريات

وكل ما اقول نسيت قدام عنيا القاك

مالك مش مرسينى

ليه دايما بتحب تسمع انينى

مكدبش عليك كانت احلى سنينى

فى حاجات كانت وقتها بدفينى

وكانت بتشيل الخوف من جوايا

وكانت ايامى كلها بترسينى

وادى الشط وصلتله

بس لسه باردو ايامى بتنادينى

رسينى يا حنينى واختار

يا تفضل فى الحاضر وتنسى

يا ترجع للماضى بس امانه بطل عليا تقسى

رجفة عاشقة

وفى لمحات

مرت حياتى أمامى وانا أرانى

أرى عيون جميلة تملؤها الدموع بغزارة

وارى خدود ورديه تحمر من شدة الخجل والنضارة

أرانى أرتجف من كلمات الحب

وارتعش مع كل دقة قلب

لا امتلك من نفسى سوى الروح

رجفة عاشقه خجولة

تبكى فقط عند الضرورة

لا تجعل من الاحزان قصة لها

تأملت فى شريط حياتى فى ذكرياتى

وها انا هنا حتى اليوم امتلك نفس الرجفة

مع اول كلمة حب

ومع اخر كلمة حب

وفى كل كلمة حب

تسمعها اذانى

ومع كل كلمة يريد ان ينطق بها لسانى


لا يسعنى سوى ان اقول

بان رجفة العاشقة فيها كل الحلول

فحين ترتجف القلوب

وتلامس العقول

تجد نفسك تقول

انا احب ولكن أنا خجول

وفى نفس اللحظة مع زيادة الرجفة

تتضيع تلك الاحسايس وياتى غيرها

يجعلك تقول انا لحياة جديدة منقول

وتبدأ فى سرد وكتابة الشعر المنثور

بدون خوف ولا غرور

واليوم تحررت انا من رجفة العشق

وأصبحت انطق بكل كلمات الحب

بتمكن دون استحياء دون فضول

أربعه وعشرين ساعه

اساعه واحده

دق القلب دقة واحده

واساعه اتنين

دقة القلب بسرعه دقتين

واساسه تلاته

بدا الاحساس بالحب يدخل فى القلب تاتا تاتا

واساعه أربعه

لاقيت احساس ومشاعر ناحيته متربعه

واساعه خمسه

حسيت منه باول لمسة

واساعه سته

لاقيت نفسى متبعتره مليون حته

واساعه سبعه

لاقيت لاقيت نفسى فى حبه قربت اتخرج من سنة رابعه

واساعه تمانيه

قلت لنفسى الدنيا فى قربه حاجة تانية

واساعه تسعه

لاقيت نفسى بتجرى عليه ولرضاه بتسعى

واساعه عشره

طلب ايدى وقالى عايز تبقى بينا عشره

واساعه حداشر

جه المأذون وكتب الكتاب قبل ما تبقى اتناشر

واساعه اتناشر

لاقيت نفسى فى بيتى وياه

واتحققت بيه الاحلام وشاف معايا سعده وشاف هناه

ويا بختو اللى يدق الحب بابه فى 24 ساعه

من غير ما يطول بيه الوقت اللى بضيع كل حاجة معاه

سيرتى الذاتيه يا سيدى

هل ترغب بمعرفة من اكون

أنا امرأة عشقت الحياة

ركضت بقوة

دون وعى او انتباه

أنا تلك المرأة التى تحررت من كل القيود

وحطمت كل الحدود

وجعلت من الزمن صديق ودود

انا تلك المرأة التى ضحكت لدنياها

وسرقت منها بعض السعادة ما زالت تعيش على ذكراها

لم تتدمع من الايام ولم تبكى على الاحلام

أخذت من دنيايا حلاوة الحب والالهام

لو سألت عنى الطيور سوف تجاوبك وتقول

تلك هى المرأة التى تمنت فى يوم أن تنول

حبك وعشقك المجنون

انا تلك المرأة التى تحارب الندم والغضب والبكاء

وودعت الجروح والاوجاع فا كل ذلك يجعل العمر يضيع هباء

وانا لست بتلك المراة الحمقاء

التى لا تنتهز الفرصة لتسعد بحبك

حتى ان كنت سترحل يوما ما لن اطلب منك البقاء

يكفينى أنك عرفت من أنا ربما فى يوم أسعد فى ليلة جديدة باللقاء

احبك ولك منى كل الاخلاص والنقاء والوفاء

فى زمن لم يبقى فيه سواء الرثاء

والبكاء

على ما مضى

طار يا سيدى للفضاء

مش احساسى اللى قالى

مش احساسى اللى قالى انه حيبيع

انا اللى قلت لاحساسى انه زى غيره مهواش حمل وديع

مش انا اللى كذبت على نفسى

نفسى هى اللى كذبت عليا لما قالتلى كملى معاه وبلاش عليا تقسى


وانهاردة فرد جناحاته واول ما حب يطير

طار وراح لغيرى انانى معندوش صحيح ضمير

وقبل ما يمشى خلانى ولا حاجة

خلانى احس انى اليه حفضل محتاجة

وافتكرت ان الدنيا حتتغير معاه

لاقتنى بتمنى الموت وانا فى عز هواه

مين يقول ان الحب يبقى مليان جروح مليان اهااااات

ليه أعيش نفسى فى حوارات فى متاهات

ولا عايزة حبه ولا عمرى حفكر فيه ولا فى اللى فات

انا بيه من غيره عايشة وهو مش حيعيش

حيفضل مبسوط وبحياته حيهيص

لكن بكرة يعرف قيمتى لما الزمان يعمل فيه عملته

لما يلاقى حد بيضربه بعزم ما فيه بكل قوته

ضربة تتقضى عليه ضربة تموته

طز فيك يالى كنت حبيبى

ولا حفتكرك فى يوم بحمد ربى انك مش نصيبى

والدنيا مش حتقف عليك انت وخلاص

فى مليون غيرك يستاهلو الحب والاخلاص

بس عايزة اقولك حاجه قبل ما تمشى

زهرة بألف لون

زهرة انت بألف لون ولون

زهرة انت وحبك فى القلب

وعشقك يا حبيبى جنون فى جنون

يوم أشوفك زهرةبيضا مليانه صفا وحنون

ويوم أشوفك زهرة حمرا مليانه حب وعشق وفيها كل الفنون

ويوم أشوفك زهرة صفرة كلها غيرة مليانه شك وظنون

ويوم أشوفك زهرة بنفسج مليان نقاء وامان من غير غيوم

ويوم أشوفك زهرة وردى مليانه عطف مفهاش سموم

ويوم أشوفك زهرة سماوى روحك حلاوتها تملانى شجون

ويوم أشوفك زهرة بألف لون ولون

ما تقولى يا حبيبى انت أى لون

من خلف نافذتى

من خلف نافذتى الشفافة أبحث عنك وانتظر عودتك منذ سنوات بقيت وانا واقفة ورائها أنتظر أن يعبر طيفك من امامى هل رحلت وقررت عدم الرجوع هل سترضى لى بالخضوع هل تريد منى أن أنسى ما كان ومازلت ترى أننى أستحق المزيد من الالام لم أكن أعلم بأنك قاسى القلب ولما أكن أعلم بأنك أنانى فلقد حسبت أنك انسان لك فى العروق دم ولك فى الجسد قلب فلقد جعلتنى أقف وأقف وانا فى النهاية لا أرى سوى طيف دموعى التى لا تجف لا أرى سوى أطياف ذكريات بقيت لى لا أجد بديل لك ولن أجد بديل لك فأنت الاصل مع كل كلمة ينطقها لسانى وأنت الاصل مع كل شعور يدق به قلبى فالشعور لك والاحساس لك والقلب لك والعقل لك وأنت هنئيا لك بنسيانى

أحب العسل

صدقنى يا صاحبى

هذا هو الحب

يوسف السباعى..هذا هو الحب

Publish at Scribd or explore others: History arabic arab

ما السبب ؟؟

أهداني تلك الوردة الحمراء ورحل عنى
وانا مازلت منذ ذلك اليوم اشكو همي

انعت حظى وأسال نفسي لماذا الرحيل
هل فى حياته امراة اخرى سوف تكون هي البديل

أهداني الوردة الحمراء وسكن الكون منذ تلك اللحظة
وانا مشتاقه لعينيه وفى عيوني ملامحه حتى هذه اللحظة

لا أستطيع نسيانه ... لا لا أنني أستطيع نسيانه اذا ما عرفت السبب
ولكن الى اليوم ما زلت أجهل السبب أليست بقصة لها العجب

ان ياتي لك الحب فى يوم ما يطرق الباب
فتفتح أنت ويدخل هو من تلك الباب
وفجأة يختفى من بين يديك كالسراب

يا ترى هل من سبب ؟؟

اكثر من روحى بحبك ومبنسكش أبدا

حياة جديدة

اللهم لا سهل الا ما جعلته سهلا
**********************

ولكن يأتي السؤال لماذا دائما نواجه الصعوبات بحلول أصعب ؟ ولماذا نختار الطرق الصعبة فى حين أن أمام أعيننا العديد من الحلول السهلة البسيطة ؟ لماذا دائما نعطى كل الامور أكبر من حجمها ونحمل أنفسنا ما لا طاقة لنا به ونعود بالشكوى والحسرة والمرار نعود بكلمة ياريت التي لا تجعل فى أيدينا اي اختيار؟ **
نحن دائما لا نحاول أن نبسط الامور على أنفسنا ودائما نتجه الى الجهات التي تجعل من مشاكلنا مصائب دائما نظل نقول حدث وحدث وحدث ولم يكن من الاساس هناك أي حدث انها امور بسيطة حاول أن تجعل هناك العديد من المرايا الخاصة بك لكى تتضع فيها كل شئونك حتى تستطيع أن ترى الامور على حقيقتها ترى ما انت فيه وما أصبحت عليه وما كنت عليه فى الماضي لا تحاول أن تحمل على أكتافك المزيد من أطنان الحمول التي تجعلك لا تتقدم خطوة الى الامام فأنت تحتاج الى الحمول الخفيفة التي تجعلك تركض مثل فرس أبيض فلقد اختلف الزمان واختلف المكان وهناك العديد من الوسائل التي تساعدك على أن يكون هناك بدائل لكل ما تفتقده فى حياتك رجاء لا تجعل حياتك تقف عند نقطة معينة فأنت من صنعت كل النقاط وانت من يستطيع وحدة أن يحدد خط هذه النقاط لا تضعف ولا تيأس فهناك دائما بريق من الامل لبداية حياة جديدة حياة مليئة بالامل والحب والعطاء لك أنت وحدك ولكن فى حالة واحدة اذا بحثت أنت بنفسك فلا تدع الاخرون يبحثون لك فهم لن يبحثوا لك بل سوف يجعلونك تتوهم بأن ذلك البحث هو لك وهم فى نفس الوقت يبحثون لانفسهم لذلك ابحث انت بنفسك عن نفسك وعن نقطة البداية الجديدة .

وعد منى حبيبى

أه من عيناه دة انا واللهى ما حب القلب سواه

فقاعات نحن من السهل ان تفجرنا اللمسات

حبيبى بيقول وحبيبتى بتسمع

حدودته مصرية

كان فى فراشه صغنتته مفرفشة ومزقططه

كل الكلام قليل عليكى

كل الكلام قليل عليكى

كل الحكايات منك يا امى وليكى

لما كنت طفل صغير

مين غيرك انتى خدنى فى حضنة

ولحد دلوقتى كبرت ولسة بتغير

مين فينا فى الدنيا ليه غير أمه

فتحت عنيا على الدنيا

وشوفت بعنيا صورتك

تسوى ايه الدنيا يا امى

والله والله وحشتنى شوفتك

قلبى معاكى وحاسس بيكى

وانا فى بعيد فى غربتى ومش ناسيكى

وحشتينى من هنا لابعد حدود

وحشتينى ومهما بعدت عنك

مسيرى فى يوم حعود

كل الكلام قليل عليكى

كل الحكايات منك يا امى وليكى

فاكرة اول حبيبة حكينا عليها

فاكر انا كأنه انهاردة فاكر

كل الحكاية مش ناسيها

وحشتينى يا أمى ياريتنى كنت قدام عنيكى

كنت ابوس رأسك أبوس ايديكى

علشان يا امى كل الكلام قليل عليكى

البيت القديم

البيت القديم اللى فيه الذكريات
البيت القديم اللى فيه كل الحواديت والحكايات

سبناه بعناه ومن وقتها واحنا ضايعين
مش عارفين لفين ولا على فين احنا رايحيين

مش لاقيين عنوان ولا سكة منورة
مافييش غير الظلام والسكك المتكسرة

البيت القديم كان فيه كل الدفا
كانت حيطانه تحضنا بالحب والوفا

فين الشيش اللى بنبص من وراه على الحبيب
فين الاوضه اللى كانت متر فى متر بس كان فيها الصديق

فين اللمة فين الشارع اللى مليان ناس
فين الصحبة فين الحاجات اللى مليانه احساس

فين يا طريق البيت القديم وفين بابه اللى كان عليه حبيبى يميل
قولى عليه يا طريق وانا حرجع امشيله ولو حتى الف ميل وميل

فين البيت القديم ؟؟

بقالنا سنين بنتكلم

عجبى على شعوب بقالها سنين بتتكلم
وغيرها كل يوم ورا يوم بيموت وبيتألم

القضية مش قضية شعب ولا شعوب
القضية قضية ضمير عربى من لسانه مسحوب

بقالنا سنين بنتكلم وخلاص
فين الوحدة العربية فين التفانى والاخلاص

اضرب بالجذمة وانهاردة اهى غزة فى ازمة
وبكره يا عالم ايه اللى حيحصل تانى ملهوش لازمة

فرحنا فرحة كبيرة يا عرب اه صحيح
لكن نهاية الظالم قتله فى ميدان عام بالعربى الفصيح

اه لو كنت مكان منتظر وكان سي بوش افندى قدامى
كنت هجمت عليه وقليل لو كلته بسنانى

ما هو الغل يعمل اكتر من كدة
بس يا عرب تفتكره فاضل ايه بعد كدة

بقالنا سنين بنتكلم نفسى نبطل كلام
نفسى نعمل حاجة تشيل الوجع والالام

نفسى نكون كلنا ايد واحدة فى يوم من الايام

الموضوع باختصار ومن غير كتر كلام

بقالنا سنين بنتكلم متهيألى كفاية يا عرب كلام فى كلام

كلام من القلب مش رباعيات بس انا بحب اشوف صورته قصادى

يا مرخص الغالى ما تُبص قُدامك 

    مَلكشى فى الغالى ولا العمى صابك
ياما قلوب إتعمت متأخر أوى إتعلمت 
طبع الرخيص الندم والغالى يِبقالك

مين داق هناه وشافه مين ده اللى يوم ينساه
دة مفيش قلوب خافوا من حب يسوى حياه 
مين اللى ساب فرحه وإختار فى يوم جرحه
غير اللى كان عاشق الجرح يوم م نداه

جرح القلوب يا إخوانا .. دى حاله عَرضيه 
واللى جرحنا فى يوم .. مسير يجيله يوم 
دة مفيش قلوب فى الدنيا .. م الجرح مَعفيـه

يكنش دة اللى اسمه ايه ؟؟ أيو الحب اللى بيحكو عليه

يكنش دة اللى أسمه ايه ؟؟ أيوا اسمه الحب اللى بيحكو عليه

هو انا بفكر فيك كتير كدة ليه

يكنش دة اسمه ايه اللى بيقولو عليه

دايما صورتك قدام عنيا

ولو غمضت النوم يروح من عنيا

سمعت انه بيعمل فينا اكتر من كدة

طيب قولى كدة يا ترى انت كمان كدة

ولا لوحدى انا بس اللى كدة ؟؟

يكنش هو دة الحب اللى بسمع عنه

يكنش هو دة الحب اللى الناس بتخاف منه

تصدق مش عارفه ليه ؟؟

لما بسمع اسمك بيدق قلبى

ولما بتبعد عنى مش عاوزة اقولك على همى

ولما بشوفك قدامى بحس انى عايشة الحياة كلها عايشة سنى

هو دة الحب يا حبيبى يارتنا اقدر اقولك وتبقى بختى ونصيبى

تعالى طيب بص فى عنيا

يمكن وقتها تحس بيا

وتقولها انت كمان بحبك يا حبيبى

عارفين الحل ايه الحل هو البوكية

Kathys Comments

لما بزعل من حبيبى بستناه يجى يصالحنى
بوسة على الخد ولا أغنية حلوة وباللى جواه يصراحنى

مبحبش الزعل بينا يطول
وبحب دايما كل اللى فى قلبه يقول

بستنى منه أوقات الهدية
مش مهمة غالية دهب ولا الماظ ولا لولى

كفاية بوكية ورد باللون اللى بحبه يجى يدهولى
وشوية كلام حب يجى فى ودنى يقولهولى

عرفتم الحل ايه الحل هو البوكية

البنت المصرية

البنت المصرية بنت جدعه عشرية طيبة حنينة رومانسية ومش زى بنات كتير غجرية البنت المصرية بنت تنفع تبقى أم ومبتعملش حركات نص كم لو دورت عليها تلقيها معاك دايما تشيل الهم وقت الزنقة تبقى بميت راجل وأدها حتى لو فى يوم من الايام حست أنها وصلت حدها أخت تلاقيها زوجه تلاقيها حبيبة مافيش احسن منها بس المهم انت تعرف تلاغيها مش بتحب القسوة ولا العصبية ولا بتيجى بالطريقة القاسية الهمجية بتحب المناقشة والعقل فيها وبطبعها اوقات عندية البنت المصرية ناقص تبقى ايه ؟؟ تبقى سفيرة ولا وزيرة ما هى خلصت بقت يا بيه المهم بس نعرف قيمتها مش بالفلوس ولا باللبس السنييه البنت المصرية مش بتحب حد يفضل يفترى عليها ولا بتحب الراجل اللى دايما طوعها وملك ايديها بتحب الراجل اللى يشاركها فى كل حاجة وفى نفس الوقت تحس انه ليها البنت المصرية لو فضلت اوصف فيها لبكرة مش كفاية مش علشان انا مصرية بقول الكلام دة لا صدقونى هى دى اصل الحكاية الست المصرية حكايتها طويلة ملهاش نهاية

Christmas Lights provided by MySpaceGraphicsandAnimations.com

كل سنة وانتم طيبين

السنين بتعدى ويعدى العمر معاها .. لا بنرتاح وسنة ورا سنة تزيد التوهه والاهه

عندما ينادينا الموت

عندما ينادينا الموت نجد انفسنا خائفون حائرون تائهون لا نعلم أين نختبىء ولا نعلم لماذا دائما نخاف الموت هل لان الموت نهاية ام لانه بداية ، فعندما يكون الموت نهاية فنحن نفارق الاحباب والاصحاب نفارق حلو الحياه ومرها نفارق ما نحب وما نعمل وعندما نخاف منه أن يكون بداية لاننا نعلم بأنه ما زال هناك العديد من الاشياء التى كان يتوجب علينا فعلها ولكن أخرتنا متع الدنيا عنها وأخرتنا عن ذكر الله والتقرب منه وأخرتنا عن اكمال ما جئنا الى الارض من اجله .....
عندما ينادينا الموت نجد نظرة العطف فى عيون الاخرون وهم لا يعلمون ان لهم يوما سوف يناديهم الموت ولكن يختلف الموعد وتختلف الطريقة هل رأيت الموت فى يوم من الايام ؟؟ لقد رأيته ورغبة فيه بشدة وفى نفس الوقت عندما نظرت الى عيون عشاقى ومحبينى شعرت بالخوف لاننى سوف افارقهم وفى هذه اللحظة نظرت الى السماء وطلبت من ربى طلبى الاخير يارب يا الله يا كريم يا رحيم اعطنى فرصتى الاخيرة فأنا ما زلت اطمع فى الحياة ليس من أجلى انا ولكن من اجل صغيرى طفلى ومن أجل كبيرى أبى . أتعلمون أتفهمون حلاوة الموت تكمن فى أن ترغبه ومرارة الحياة تكمن فى أن لا ترغبها حتى تستطيع فهم دورك فى الحياة فأنت موجود فى الوجود من اجل رسالة ان حققتها فأنت تحيا حلاوة الحياة وان لما تستطع او تجاهلت هذة الرسالة فأنت ميت والموت قريب لا محال ...

ماسك قلبى بايديك

يا اللى ماسك قلبى بايديك
ياللى مخلى روحى بترفرف حواليك
ما تسبنى شوية اتصرف بطبيعتى وعلى حريتى
انا بجد متربية وبخاف ربنا وبخاف على عذريتى
المفروض دة شىء يشجعك تحبنى
مش يخليك تبعد عنى وتحاول تهدنى
مش دة اللى حيكمل علاقتنا
ولا حيخلينا نحس بطعم دنيتنا
خلينا نخاف ربنا ونتقيه ونقرب منه
دة البنى ادم مننا متربى على الاخلاق من صغر سنه
حاول تفهمنى حاول تسمعنى حاول تعرف انه مينفعش
حاول تفهم ان الدين والاخلاق متسمحش
وخلى بالك ان يوم ليك والتانى عليك
واللى تتطلبه انهارده غلط
بكرة تلاقيه فى بيتك وحواليك
بحاول كل ده افهمك علشان انا بجد قلبى شاريك
وانتهت خاطرتى اللى هى مجرد خاطرة خطرت سطورها على بالى ارتجالا وعلى كل بنت بتواجه المشكلة دى تاخد السطور دى وتحاول تفهمها لحبيبها وتقوله ان الحب الحقيقة هو حب الروح وليس الجسد

انشد يا قلبى

سنة جديدة فى عمرنا

مستنين ايه ؟؟ مسنين سنة جديدة فى عمرى وعمرك

مستنين حاجات تانية مش حتجى لا بامرى ولا بامرك

حاجات كتير مستخبية عننا

فيها الوحش وفيها اللى حيفرح قلبنا

مستنين أيه ؟؟

حب جديد ؟؟

طفل جديد ؟؟

شغل جديد ؟؟

ولا مستنين زمن جديد نغير فيه نفسنا ؟؟

سنة جديدة فى عمرى وعمرك

خليها تكون سنه سعيدة كلنا

ايدينا ى ايدين بعض

نفتكر اللى فى العراق والاقصى ونعمل حاجة ليهم كلنا مع بعض

بلاش نفضل طول الوقت نفكر فى نفسنا

وبلاش نفضل كمان حاطين ايدين على خدنا

تعالو نعمل حاجة ليهم فى السنة الجديدة كلنا

كل سنة وانتم طيبين

ضاعت حروف أسمى مثلما ضاع هو

فى كل المرات التى بحثت فيها عن ذاتى كنت أراه

كنت اتمناه واتمنى ان تعود أيام العمر الجميل

لما أكن أتوقع لحياتى الاستمرار بدونه

ولما اكن أتوقع ان أكون لغيره يوما ما

أين هو الان ؟؟ هل هو مع امراة اخرى غيرى ؟؟

هل هو يبحث أيضا يبحث عنى ؟؟

هل أنا ما زلت فى أحلامه ؟؟ وما زال ينتظرنى فى الطريق ؟؟

نعم انه الحب الاول لم يكن يوما وهما ولم يكن حقيقة أستمرت مع الايام

أنه ذكرى لا تنتهى حتى مع مرور الزمان

أنه بداخلى وفى كل مكان

أنه حبيبى فتى الاحلام

من أنا

شوية حاجات عنى :
انا بقى بحب اوى الرومانسية وبحب ان الانسان يكون رومانسى لانى بشوف ان الرومانسية بتخفف ضغوط الحياة اللى بنعيشها
انا بقى بحب اوى المزيكا بكل انواعها وبحب الالات الموسيقية كمان بكل انواعها وخصوصا الشرقية وبشوف بجد انها غذاء للروح والعقل والجسد كمان
انا بقى بحب اوى ان الواحد يكون صريح وميخفش من اى حاجة ويقول كل حاجة جواه انشالله تكون ايه ولمين وهو يعنى حيحصل ايه لو حتى حتموت قول اللى جواك ووقتها حتبقى ساعتك جت
انا بقى بحب اوى الصداقة وبشوف ان الانسان اللى ملهوش اصدقاء دة حاجة من الاتنين يا طيب اوى اوى يا لئيم اوى اوى الصداقة دى هى معنى وجودك فى الحياة
انا بقى بحب اوى البيت بيتوتيه جدا وبحب كدة اقعد والبيت يكون نظيف ورايق وريحته حلوة وانور اباجورة او اضاءة خلفية خفيفة كدة واسهر اسمع الاغانى اللى بحبها كلها واكتب او امسك كتاب اقرى فيه او يا سلام بقى على مج كاكاو بالحليب فى الشتا قدام فيلم ابيض واسود قديم والواحد قاعد مدفى كدة الله الله الله

انا بقى بعشق السهر والليل وبلاقى نفسى جواه ونسهر سوا انا و الليل نحكى ونفتكر حاجات جميلة راحت ومش راجعه تانى
انا بقى بحب اوى الشغل وبشوف ان الانسان اللى مش بيشتغل زيه زى الميت بحب اشتغل فى كل حاجة واتعلم اكتر من حاجة مش بحب اوقف نشاطى او خبرتى عند شىء معين
انا بقى بحب اوى العيلة ولمة العيلة وبحب اوى اهلى وقريابى وبشوف ان هما دول اللى بيدو طعم للحياة ।

كفاية عليكم كدة اه ما هو مش لازم الانسان يكون كتاب مفتوح للى قدامه ودى باردو من الحاجات اللى بحبها اوى الخصوصية

حنينى هنا والحب الاول هنا وذكريات العمر الجميل هنا