ايام وبنعيشها ودقايق بتعدى وساعات

Created by Crazyprofile.com

كنتى ومازلتى وسوف تظلى صديقتى مهداه الى صديقة العمر نيللى

فرقنا حلم الثوب الابيض يا صديقتى
كنتى وما زلتى وسوف تظلى انتى حبيبتى

بعدت بينى وبينك كل الحدود
ورحلت عنك وقسوت علينا الظروف

ولكن لم انساكى يا صديقة الطفولة البرئية
يا حلمى يا صاحبة الدهر والايام الجميلة

ااااااااه يا صديقتى لو تعملين بحالى
وكم اشتاق للحديث معك ولتلك الليالى

عندما تعلو الضحكات فى القلوب
عندما تخرج الاهااااااات ومعها الدموع

كم أشتاق اليكى وكم اتمنى وجودى بجوارك
اشتاقت اذنى يا رفيقة الدرب الى حوارك

أعدك بأن أعود اليكى انتظرينى
واعلم بمجرد رؤيتك لى سوف تحتضنينى

وهذا هو ما انا بحاجة اليه انت يا صديقتى كالماضى تحتوينى

أشتاق اليك

يا بحر خليك معايا

يا بحر خليك معايا
امسك ايديا وعلمنى العوم جواك

غرقت انا كتير والسبب موجك وهواك

نزلت قلت انا بعرف اعوم

لاقيت نفسى غرقانه ومش عارفه من شدة هواك اقوم

عشقتك عشق من غير سبب

هويت ليك ومنك وانت يا بحر منك واليك السبب

حبيبى جايلى عندك خليه يستنانى

ولو اتاخرت عليه اوعى يا بحر تخليه فى يوم ينسانى

هناك عندك كان اول لقا

وهناك عندك كان اخر لقا

ولنفس المكان مسيرنا نعود مين تانى

وترجع ايامنا الحلوة والليالى

يا بحر خليك معايا انت الوحيد اللى اشتكيت انا ليه حالى

قلب واحد مش كفاية فى حبى ليك

قلب واحد مش كفاية فى حبى ليك دة انت محتاج الف قلب يحس بيك

رابطة مدونات مصر

عشاق لا يعرفون معنى العشق

كان زمان الحب حاجة حلوة كانو الناس بيفهموه

دلوقتى الحب كله عذاب وقليل اللى يعرفوه

يا عشاق عايزين تعرفو معنى الحب ايه

معنى الحب لما تلاقى حبيبك ايديك على طول الطريق ماسكة ايديه

لما تلاقى حبيبك مستني منك كلمة حلوة تخليه يطير فوق فى سابع سما

كلمه يحس فيها انكم واحد مش اتنين مش كل واحد فيكم يقول لا مافيش غيرى انا

الحب لما تتضحى بروحك فداه وعلشانه

الحب لما تلاقى احزانك شايلة احزانه

لما تلاقى الفرحة بينكم مقسومة

وتلاقى الدمعه بينكم مهزومة

الحب لما تعرف تحس بيه من بعيد

لما تلاقيه فى اى وقت سواء وقت عادى ولا شديد

الحب معناه انك تخليه يقول اللى جواه

وانت عليك انك تعرف معناه

سيبه يبص لعنيك حتى لو متكلمش

سيبه يعرفك ومنك يقرب علشان فى يوم ميتألمش

اديه الامان واديه الحنان

اديه اللى ملكك واللى اخدته من الزمان

خليه جمبك وجوه حضنك

وريه انه من بعده خلاص محدش شى فى الدنيا اصبح يهمك

اصبر عليه وخده بالراحة

لو كنت عاوز منه انه يشيلك على كفوف الراحة

يا عشاق ياللى بتقولو انكم بتحبو .....

افهمو معنى الحب لو عايزين تحبو ....

رباعياتى تجربتى الاولى

وعجبى على قلب مظلوم

ماشى فى الدنيا شايل هموم

كل ذنبه انه عشق

فى دنيا العشق فيها مش مفهوم 

 

 سيرة البنت العفـيفة

هى أحـــسن شيء يدوم

حبرها مكتوب بدينـــــها

مش بمكيـــاج أو هـدوم 

 عجبى 

الزهور بتكون جمــــيلة

طول ما لسّه الشوك حاميها

بس لو يوم شوكها سابــها

ألـــــــف ايـــد تتمد ليها

عجبى 

احسان عبد القدوس

دمى ودموعى

معملتش حاجة غريبة

معملتش حاجة غريبه معملتش حاجة اتعاقب عليها معملتش شىء من الاشياء العجيبة !!!
أنا زى كل الناس حبيت بنيت امانى ودنيا وبيت زرعت ورد وشوق وحنين ضحيت بعمرى سنين وسنين علشان انانى بعنى ورمانى فوقنى من اجمل احساس خلانى اشك فى كل ناس مبقتش اصدق اى دموع وكفاية عشت سنين مخدوع من البداية كان مش معايا اخرتها سبنى فى نار واللى بنيته انهار والغلطه انى امنتله يوم حول حياتى ايه من حضن هواه غير نار وويل والم كتير رغم اللى راح من عمرى وفات الماضى عمره فى قلبى ما مات انا مش هقول على نفسى جنيت مانا زى كل الناس حبيت واديت حنانى عذاب وهموم كان ليه ياقلبى ضعفت معاه فضلت تددى وياريت ما اديت كان كل ذنبى انى حبيت !!!!!

بعد كل موت فراق وبعد كل فراق موت

هاهو قطار الفراق يعلن استقراره في محطة حكايتنا..
وها أنت ذا تحمل حقائب الأحلام والأيام وتتجه نحو الغياب..
وها أنا ذا أستعد للوقوف بظهر مكسور وهامة مجروحة..
لألوح لك بشموخ هاديء وهدوء شامخ..
وكأن الأمر لا يعنيني..
وكأن الألم ليس ألمي..
وكأن الجرح ليس جرحي..
وكأن الهزيمة ليست هزيمتي..
وكأن الحكاية الميتة لم تكن يوماً حكايتي..

أتساءل:هل بالفعل تموت الحكايا؟
وحين تموت الحكايات ، أين يذهب الأبطال؟
وأين تذهب الأحاسيس؟
وماذا يكون مصير الأحلام؟
وإلى أين يلجأ أطفال الحكاية؟
فلمعظم حكايات الحب أطفال..أطفال نعجنهم بماء الخيال..
ونرسمهم على صفحة قلوبنا..نمنحهم ملامحنا..
وننتقي لهم أسماء مشتقة من أحلامنا..
ونحبهم جدا.. وننتظرهم بفارغ العشق والأمل..

ننتظرهم .. نعم
لكن انتظارنا لهم يطول ويطول ويطول..
فعلى الرغم من إحساسنا بهم..
وعلى الرغم من حبنا الصادق لهم..
وعلى الرغم من شعورنا بحركاتهم في أحشاء الحلم..
إلا أننا لانلدهم أبداً..
ربما لأننا حلمنا بهم خارج رحم الواقع..
نخزنهم في الدفاتر بعيداً عن فضول الواقع..
نسجلهم في ذاكرتنا كأي حدث من أحداث الحكاية..
فإذا ماعاشت الحكاية..كبر الصغار بها..
وإذا ماتت الحكاية وُئد بها الصغار..
واسألوا نساء الأرض العاشقات..
عن أطفالهن النائمين في دفاتر الخيال..
أو افتحوا دفاتر الحكايات الفاشلة..
وأحصوا عدد أطفال الدفاتر فيها..

وسؤال آخر:لماذا حين تنتهي الحكاية..
ونهمل كل أوراقها وطقوسها وذكرياتها..
لانفكر سوى في كيفية احتمال الألم الناتج عنها..
ونعلن الحداد..فلا نرى من الحياة سوى سوادها..
ولانتذكر من الحكاية سوى ركنها المظلم..
ونهيء أنفسنا للحزن والألم والندم والبكاء..
على الرغم من أن مرحلة مابعد الفراق..
قد تكون مرحلة أخرى أجمل وأصدق..
إذا نحن أردنا ذلك؟
ماذا يأتي بعد الفراق؟
أشياء كثيرة تاتي بعد الفراق..
يهاجمنا الفراغ كسماء بلا نهاية..
يحاصرنا الحنين كوحش مفترس..
تنغرس فينا البقايا كأسنة السيوف..
تمزقنا الذكريات كأنياب حيوان جائع..
ونرفض المكان ونهرب من الزمان..
ونطرق كل أبواب النسيان..
ونفشل..
نعم نفشل..
فتجربة النسيان لاتقل صعوبة عن تجارب الاختراعات العلمية
ولأن الإحساس الذي كان في داخلنا كان صادقا
ولأن الأحلام التي عاشت فينا كانت رائعة
ولأن أمانينا التي غرسناها في أرض الحكاية كانت نقية
ولأن الحكاية كانت وسيلة من وسائل اتصالنا بالوجود
ولأننا كنا الطرف الأكثر شفافية في الحكاية
فإننا نفشل.. وبجدارة
لكن ...!!لو اعتبرنا الحكاية
مجرد مرحلة من مراحل العمر
وليست العمر كله
لوجدنا أمامنا متسعا من الوقت للوقوف من جديد
والزحف نحو مرحلة جديدة من مراحل العمر
لأن العمر هو المراحل
والحكاية مجرد مرحلة من هذه المراحل
فإذا ما انتهت تلتها مرحلة أخرى
نحن فقط القادرون على جعلها
أحلى.. ، أو... أمّّر

فإن كنت من أولئك الذين يتألمون
وتجد صعوبة في الخروج من سياج حكاية فاشلة
فأحضر ورقة وقلماً
واكتب أحاسيسك المؤلمة عليها
وقم بترقيمها..، ولانحزن حتى لو جاوز عددها الألف
وعاهد نفسك على أن تتخلص منها بالترتيب
وحاول محاولات جادة وصادقة
واشطب كل احساس تتمكن من التخلص منه
وحين تصل إلى الرقم الأخير
ستجد أنك قد تخلصت من كل أحاسيسك المزعجة
وقبل أن يرعبنا المساء
بعض الحكايات تبدأ بكلمة..
وتنتهي بصمت
وبعضها يبدأ بتجربة
وينتهي بإنفجار
وبعضها الآخر يبدأ بلعبة
وينتهي بمأساة
وبعد أن أرعبنا المساء
من بين كل الحكايات
هناك حكاية واحدة فقط
هي حكاية العمر كله
إنها تلك الحكاية التي تمسح كل الحكايات
وتبقى هي فقط بطقوسها وشخوصها
وهي حكاية لاتموت فيك أبدا

الحب الحرام القاتل رجل والقتيلة امراة

حدث انه كان فى قديم الزمان امرأة تملك من الاحاسيس والمشاعر الجميلة المرهفة الكثير والكثير وكانت تحلم بالفارس الوسيم الذى يأتى ليأخذها على حصانه الابيض كالامير وتحقق الحلم وجاء الفارس الهمام جاء يحمل بين مخالبه المكائد بلا عدد ولا حسبان لا يعلم عن نواياه احد ويعمل فى صمت يعمل فى كتمان ويتسلل كل يوم الى قلب تلك المسكينة يحتويها فى البداية بأرق الكلمات والهدايا الجميلة حتى ان وقعت تلك المرأة فيما يسمى الرذيلة ولكن فى زمنا أصبح كل شىء فيه مباح زمنا صعب وكل شى فيه غير متاح كانت الرذيلة ليست بالعيب كانت اثبات للحب ولا يهم العمر ان كان شباب ام كان شيب أحبته ووثقت فيه انه سوف يكلل الحب بخاتم ابيض يلمع من شدة البريق ولم تعلم انه كاذب مخادع بلا ضمير جاء ودخل حياتها وأشعل بها الحريق وانتظرت يوم تلو الاخر وشهر تلو الاخر ووجدت أنه قد مر اعوام وهى مازالت فى نفس المكان الملوث تنتظره وعقارب الساعه تجمع منها الارقام والايام حتى وجدت تلك الصورة الكبيرة بالالوان صورة زفافه على فتاه الاحلام وفى تلك اللحظة وقف نبض قلبها وقتلت بلا رحمة عندما أيقنت انها كانت تعيش الاوهام واداة القتل كانت تلك قصة الحب التى استمرت مملوءة بالحرام لا يدوم الحرام والحب الحرام منبوذ فى كل زمان واون ومكان فالقاتل رجل والقتيلة امرأة تلك نهاية القصة لكل من يعيش الحب الحرام فأياكم والحب الحرام كونى غالية فا كل غالى نادر فى هذا الزمان

لو فى ايديك مية المحياه

وقفت جمبك وشلت همك

انت مش غلطان ولا الذنب ذنبك

الغلط منى لما افتكرت انى دمى هو دمك


لو فى ايديك ميه المحياة لا والف لا

لو بعدك حتنتهى خلاص الحياة لا والف لا

لو لفيت الدنيا كلها

لو وقف الزمن لنفس النقطة اللى تقابلنا عندها


لا والف لا مستحيل ارجع فى يوم

مستحيل ارمى نفسى فى حضن ظالم مافيش عليه لوم


لو فى ايديك مية المحياة لا والف لا

لو انت الجنة وانت الفرح وانت الحياة


اهون عليا اموت بعيد عنك

ولا يوم الاقى نفسى كل يوم بموت الف مرة فى حبك

لو فى ايديك مية المحياة لا والف لا

تفتكر حتى انك منها حتسقينى

دة انت حتى مش حتفكر تعطف عليا

وبق واحد حتى تروينى


بص لمرايتك دايما حتلاقينى

بس انا مرايتى حقولها دة خلاص نسينى


لو فى ايديك مية المحياه لا والف لا

مستحيل الرجوع

مستحيل لواحد زيك الخضوع

مستحيل تكون انسان

مستحيل انك تكون واحد طيب غلبان

انت عايش ليك وبيك

اكيد اللى زيك كتير ومسيرها تلاقيك


ووقتها حقول الف حمد وشكر ليك يارب انه اداك

حد زيك خلاك تذوق طعم المرار والهوان

واعى تصدق انها فى يوم حتكون حباك

اعمل زى ما انا عملت وقول زى ما انا قلت

لو فى ايديك مية المحياة

لا والف لالالالالالالالالالالالالا

لالالالالالالالا

ثوانى بس ححكى حكاية صغيرة

حكاية بنت زى كل البنات

حكاية من الف حكاية وحكاية ولا طويلة ولا قصيرة


حكاية بنت حبت ووفت واخلصت

وكان كل ذنبها انها على الحبيب والحب دورت

حبته لدرجة العشق من كل قلبها

حبته ومكنتش تعرف انه دة حيكون غلط كبير والذنب لوحده ذنبها

فضلت فاهمة وفاكره انه هو كمان بيحبها

فضلت عايشة الوهم والاحلام وهو ولا يوم صدها

بس مكنتش فاهمه حاجة

مكنتش متاكدة من حبه ليها وانها بالنسبة ليه كل حاجة

كانت بتقول انه حبيب عمرها

كانت دايما تحكى عنه حكايات كتير وده كان شى فيه فرحها

كانت كل ما تشوف حد تحكيله عنه

كانت بتحلم بيه ليل ونهار

كانت عايشة علشانه من غير ما تفكر ولا تختار

كانت صابرة وصبرها كان من حديد

كانت كل يوم تستنى منه شىء جديد

كانت كل ما تكلمه يقولها ثوانى بس

كل ما تشوفه يقولها طيب استنى شوية بس

وتفضل مستنياه


تفضل بالحب مطمناه

تفضل تحت امره وكانت دايما تسال نفس نفس السؤال

يا ترى ايه هى الحاجة اللى عليا مأسياه

ليه انا كدة يا ربى مش حساه

ليه كل ما اقرب منه يبعد هو يمكن عايزانى انساه

طيب انا ليه مسألتوش لحد دلوقتى

انت بتحبنى ولا الموضوع كله بالنسبة ليه وقتى

قررت وفكرت وجريت ومنه قربت

قالت له ممكن اسالك سؤال

قالها ثوانى بس

قالتله تانى ثوانى بس

امتى بيا حتحس بس

قالها طيب قولى يالا

بصت فى عنيه وقالت لنفسها

يا جت يا ما جتش خليها على الله

وقالتله انت بتحبنى

قالها ودة سؤال تساليه

انتى تقصدى ايه ؟؟؟؟؟!!!!!

تقصدى الحب اللى بين اى اتين

اه هو دة اللى اقصده

لا طبعا حبك دة مش على بالى

لانى عارف ممكن يودينى فين

ليه يعنى تفتكر حيوديك فين

حيودينى لمسئوليه

انا لسه يا ماما بدرى عليا

عايز اعيش واتمتع بحياتى

اظبط واخرج واعمل كل اللى يخرج من جوايا اهااااتى

هو انا ناقص خلفة وعيال وبيت

وصداع ونكد وهات وخد ازازاة الزيت

معلش ثوانى بس

انتى فهمتى غلط

شوفيلك حد تانى

لا انا مفهمتش غلط

انت اللى بنى ادم انانى

عايز يعيش لنفسه وبس

وكل شويةه يقولى ثوانى بس

وانا كنت غبية

وورى ستارة الحب مستخبية

من حقيقة عرفتها متاخر

بس اكيد فى كل الاحوال هى مصلحة ليا

ثوانى بس استنى حقولك

كان زمان يا بابا

لا ثوانى ولا دقايق كنت فاكراك مغرم صبابه

انا قدامى عمرى كله لسه جاى

من غيرك افضل اكيد من غير ما اسال ازاى

وكويس انى عرفت دلوقتى

احسن ما اضيع معاك عمرى ووقتى

وكل شوية تقولى ثوانى بس

وانا بقولك يالا سلالالالالالالالالالام

لازم كل حاجة فى الدنيا يكون لها نهاية